友義氣‧酸菜魚

Open Now

Now Closed

同朋友book 左銅鑼灣酒店玩幾日，check in 完大家都未食lunch， 就行左落銅鑼灣搵野食餐下肚，睇下金百利有咩好食，朋友話想食酸菜魚，最後決定上友義氣•酸菜魚，前菜叫左金蒜手拍青瓜$38.0,青瓜清甜爽脆，味道酸酸辣辣，仲有勁濃既蒜味，仲點左必食既招牌酸菜魚微辣）$238.0, 選用海鱸魚，肉質鮮美多汁，口感滑流，麻辣香味濃郁，放入大豆芽、薯粉等墊底，索盡酸菜魚湯汁，勁入味，另外叫左椒鹽海活蝦 $115.0, 用海蝦連殼放落油泡後，再用椒、鹽炒；椒、鹽調味，香辣外焦香鹹辣，肉軟嫩鮮美。大熱天時當然要叫番杯大檸樂$26.0, 係用啤酒杯裝，勁大杯超抵飲，朋友就叫左菠蘿梳打 $26.0, 顏色勁靚 打咭一流。