花粉熱 (Under Renovation)

我平時間中都好鐘意行花墟，望住嘀怒放嘅鮮花，真係可以將屈悶嘅心情一掃而空，花墟係一達神奇嘅地方，外面嘅世界紛紛擾擾，好似永遠影響唔到佢，空氣甜甜嘅清香，爭艷鬥麗嘅鮮花，間中會發現有一嘀令人會心微笑嘅奇花異草，去到花墟，心情總是歡快嘅～不過隨着時光逝去，有好多嘅花店靜俏俏咁轉型，有一嘀偏向平靜心寧有佛法味道嘅擺設，有嘅轉型多賣有機蔬菜，加入健康生活元素，而有嘀轉成一嘀好似外國係街邊見到簡潔、隨意、浪漫嘅花店，每間都各有味道，一間一間編織出更有特色更有朝氣嘅花墟今日去呢間花店加cafe 環境相當優美，入到去就好似一個神秘嘀小花園，各種植物精心咁分佈喺鋪頭嘅每一個角落，咖啡師漫不經心咁係到沖劑咖啡，散發住悠悠嘅咖啡嘅香味，格外令人心境平靜。今日我叫咗雜莓紅茶同咖啡卷蛋，山楂嘅酸加上新鮮嘅雜莓，酸甜醒胃，叻上唔太甜嘅咖啡卷，慢慢享受一個寧靜嘅下午，放下自在⋯花墟可否不要老⋯伴我長高⋯⋯