麵尊

Open Now

Now Closed

#搞串個pantry車仔麵🍜，我哋都食過好多間，每間車仔麵都有自己嘅招牌，或者食客鐘意嘅嘢😜。今次就去咗一間#銅鑼灣 、#上環 都有分店嘅車仔麵店，試吓佢哋究竟有咩特別啦💕！一嚟到銅鑼灣嘅分店，門口望落👀，仲以為係食日式拉麵🇯🇵，有少少裝修設計，乾淨利落。今次就嗌咗一碗🔴細尊(河粉、豬紅、蘿蔔、咖哩魚蛋、紅腸、豬皮)($45)、🔵淨雞翼尖($22)、🟢淨白菜($22)。細尊(河粉、豬紅、蘿蔔、咖哩魚蛋、紅腸、豬皮)🌟🌟🌟呢碗麵所有配料都係固定，餸嘅份量都幾多🤤，每樣都有2-4嚿，不過質素就好普通🤨，除非本身鐘意呢幾樣餸，如果唔係，都建議叫返自選📝。河粉比平時食開嘅河粉厚，偏挺身，較硬唔索湯，如果鍾意食腍啲嘅人，就唔太鐘意。而湯底就幾出色🤤，味道非常豐富💕，偏向重口味！淨雞翼尖、淨白菜🌟🌟雞翼尖🍗用瑞士汁煮，好入味，一小碗入面已經有好多，足夠比2-3人share👥。用嚟送住麵食幾好，可以令雞翼尖感覺無咁咸。淨白菜份量都多🥬，味道清淡，口感腍同爽脆。但就發現當中有一細粒「發泡膠」粒😮。