點心到 MIX·大排檔

Open Now

Now Closed

聖誕假期食咗幾餐西餐，我同老公都想食番晚中菜，去到旺角俾佢門口旣相吸引了入去。名係大排擋，不過環境乾淨又光猛，簡單點左了款小菜加個炒飯。冰鎮咕嚕肉呢樣係出面見到幅相已經覺得幾特別，想試吓，雖然底下係有冰，不過食落唔會凍，反而保持了肉嘅脆皮嘅香脆，入面熱辣辣，而且d肉質可能因為冰旣原因，食落好爽口，個咕嚕肉甜酸味適中。豆豉鯪魚炒時蔬老公話佢未結婚之前常食，雖然材料唔係咩貴價野，不過呢度炒得幾香，菜用了油墨菜，d菜好嫩加埋炒得啱啱好，豆豉鯪魚夾埋一齊用黎送飯，冇得頂。大肚婆炒飯 $82 其實基本上係楊州炒飯，足料，大量蝦，叉燒，帶子粒，不過加左d薑粒，食落少少辣，炒得幾有鑊氣，味道唔錯，原來薑對大肚婆有益，加上唔油，所以可能真係啱大肚婆食。