Iberians (Closed)

之前經過尖東見到一間西班牙菜【Iberians】就已經想試，最近終於有機會試下啦，餐廳情調不錯。紅甜椒忌廉湯：本身個人唔係好食甜椒，本身怕會好大草青味，點知好特別，微微甜味、又食唔太出甜椒既青味。而且非常creamy。 西班牙吐司：4款topping搭配土司，包括橄欖、番茄、辣肉腸配帕德龍辣椒、蘑菇配蝦。一次過可以試曬禁多個味，係一個不錯既開胃小食。帕德龍辣椒：本身唔係特別會去食辣椒既人，不過見幾特別就試下，味道有少少似青椒，有少少苦味。不過有某幾個特別辣，所以要小心。西班牙雞肉燉飯 ：因爲自己對海鮮過敏，難得西班牙燉飯有唔係海鮮版可以試下。新鮮出爐，所以非常新鮮熱辣，番茄味都好濃鬱，裏面有鷄肉同辣肉腸。推薦。安格斯牛小排：牛小排真係好軟霖入味，搭配埋D醬汁真係好特別同開胃！薯蓉都好creamy。Sangria White：水果味濃，不過白酒無咩甜味，唔係自己熟悉既味道。如果鍾意比較重酒味既應該會比較鍾意。