Video
Read full review
2011-05-28
78 views
睇完白泥日落，返回元朗，朋友請我佢食元朗著名的何明記，話要我一定要試佢地出名的黃金雞翼。朋友話何明記自舊年閉門裝修後，等足幾個月，今日終於重開，叫我一定要幫襯。論環境，裝修過的何明記的確好舒適，店舖好大間，卡位好多，六點幾，我地可以即時有位兼且可以坐卡位，算唔錯啦！不過，坐落之後，愈坐愈谷氣，食完大家齊齊話永不再幫襯。＊第一宗罪－－食物大幅加價：裝修後，朋友話食物價錢大幅加價，好似平時食開的常餐，之前係32元，而家變左37元，凍飲加三蚊，40蚊一個常餐真係唔便宜。＊第二宗罪－－要咩無咩：我地齊齊叫常餐，不過朋友揀通粉，我揀生麵。落完單過左一陣，店員轉頭話無通粉，朋友只好改只意粉，又過左一陣，店員又話無，結果朋友唯有改叫河粉。一間茶餐廳，通粉同意粉係基本食材，點會咁都無，係咪趕開業，唔理三七一呢？！＊第三宗罪－－廚房內鑽地：呢度的廚房係開放式，我地睇住有工人係煮麵位置係咁鑽地，不斷鑽鑽鑽，嘈都不特止，係煮麵師傅旁邊係咁鑽，究竟講唔衛生架？＊第四宗罪－－店員服務質素奇差：先講落單的店員，居然落兩個簡單常餐，我地重複講好多次都落唔到，寫得又慢又唔識計數，等佢寫完張單，都可以訓足一覺！最可怕係
朋友話何明記自舊年閉門裝修後，等足幾個月，今日終於重開，叫我一定要幫襯。
論環境，裝修過的何明記的確好舒適，店舖好大間，卡位好多，六點幾，我地可以即時有位兼且可以坐卡位，算唔錯啦！
不過，坐落之後，愈坐愈谷氣，食完大家齊齊話永不再幫襯。
＊第一宗罪－－食物大幅加價：裝修後，朋友話食物價錢大幅加價，好似平時食開的常餐，之前係32元，而家變左37元，凍飲加三蚊，40蚊一個常餐真係唔便宜。
＊第二宗罪－－要咩無咩：我地齊齊叫常餐，不過朋友揀通粉，我揀生麵。落完單過左一陣，店員轉頭話無通粉，朋友只好改只意粉，又過左一陣，店員又話無，結果朋友唯有改叫河粉。一間茶餐廳，通粉同意粉係基本食材，點會咁都無，係咪趕開業，唔理三七一呢？！
＊第三宗罪－－廚房內鑽地：呢度的廚房係開放式，我地睇住有工人係煮麵位置係咁鑽地，不斷鑽鑽鑽，嘈都不特止，係煮麵師傅旁邊係咁鑽，究竟講唔衛生架？
＊第四宗罪－－店員服務質素奇差：先講落單的店員，居然落兩個簡單常餐，我地重複講好多次都落唔到，寫得又慢又唔識計數，等佢寫完張單，都可以訓足一覺！最可怕係，我地準備起身時，店員執野執到倒瀉水，搞到我個位濕晒，差Ｄ淋到我，搞咩呀！我地幫襯的時間已經唔係繁忙時間，到繁忙時間時，呢Ｄ員工肯定更加唔識應付。
＊第五宗罪－－廁所濕到好得人驚：呢間餐廳真係金玉其外，敗絮其中，店面裝修得咁骨子，但行去廁所一睇，真係好得人驚，短短幾步路，又濕又窄又污糟，行快Ｄ都肯定跣親，咁得人驚的廁所實在令人倒晒胃口！
講番食物，我的常餐揀的係黃金雞翼，其實即係炸雞翼，食落真係唔覺有咩特別，係就係香口，但三舊雞翼浸係麵上面，浸到淋晒，乜味都淡晒。常餐仲有奄列同牛油方包，亦都無乜特別，凍咖啡亦唔見出色。以四十蚊食呢個咁普通水準的常餐，再加上上述咁多宗罪，實在無法令我再幫襯！
Post
