Video
Read full review
2018-09-15
243 views
臨開學之前想食返餐好嘅，呢日決定去間魔法主題嘅餐廳🧙🏻♀️門口比較昏暗寧靜，有紅色牆同埋掛左啲魔術袍既木櫃😳但係入到去其實差唔多滿座，所以幾時都話訂左檯先無蝕底😎夜晚套餐有三款，每款會係三至六道菜不等，悉隨尊便😛我哋兩個人叫咗一個三同五道菜分黎食，份量啱好夠🙃因為會係逐道菜上，製作需時要耐心等候🕰廚師亦都會係上菜嘅時候，細心介紹返每道菜式既用料👨🏻🍳慢慢嘆都食左三個鐘左右👁🗨 Atlantis Set（7.5/10）💲350 + 10% (3 Courses Set)三道菜既關係，第一道會係前菜或者湯二揀一，叫左個馬賽海鮮湯暖胃，有魚、蝦、蜆、菜、豆腐，啲料就咁睇好豐富，飲落的確幾有鮮味，仲有少少酒味添🥂第二道係主菜或者意粉，紅花忌廉汁帶子意粉稍微清淡，有芝士片鋪面，帶子夠新鮮彈牙，意粉又有嚼勁🍝最後有個甜品，係柚子芒果芝士餅，柚子既酸酸甜甜可以平衡返芝士本身既膩，再加上芒果汁夠清新得黎又夾，由頭食到落尾都好有驚喜😍👁🗨 Narnia Set（8/10）💲450 + 10% (5 Courses Set)前菜既法式田雞腿，兩隻田雞整到外脆內嫩，味道帶點微辣，仲有枝豆、魚籽、碳燒味
但係入到去其實差唔多滿座，所以幾時都話訂左檯先無蝕底😎夜晚套餐有三款，每款會係三至六道菜不等，悉隨尊便😛我哋兩個人叫咗一個三同五道菜分黎食，份量啱好夠🙃
因為會係逐道菜上，製作需時要耐心等候🕰廚師亦都會係上菜嘅時候，細心介紹返每道菜式既用料👨🏻🍳慢慢嘆都食左三個鐘左右👁🗨 Atlantis Set（7.5/10）💲350 + 10% (3 Courses Set)
三道菜既關係，第一道會係前菜或者湯二揀一，叫左個馬賽海鮮湯暖胃，有魚、蝦、蜆、菜、豆腐，啲料就咁睇好豐富，飲落的確幾有鮮味，仲有少少酒味添🥂
第二道係主菜或者意粉，紅花忌廉汁帶子意粉稍微清淡，有芝士片鋪面，帶子夠新鮮彈牙，意粉又有嚼勁🍝
最後有個甜品，係柚子芒果芝士餅，柚子既酸酸甜甜可以平衡返芝士本身既膩，再加上芒果汁夠清新得黎又夾，由頭食到落尾都好有驚喜😍👁🗨 Narnia Set（8/10）💲450 + 10% (5 Courses Set)
前菜既法式田雞腿，兩隻田雞整到外脆內嫩，味道帶點微辣，仲有枝豆、魚籽、碳燒味既墨汁脆片同埋磨成薯泥狀既蒜伴碟😱
大蒜薯仔湯，呢個有好creamy既忌廉薯仔🍲主菜既慢煮法國黃雞胸，慢煮下雞胸厚肉得黎保持嫩滑，燒汁更加係用雞剩餘既部份熬左兩日而成，微鹹而且帶有雞味🐔
白鴿脾意大利飯，白鴿脾雖然比較細小，但依然充滿油香，意大利飯既飯芯做到硬硬地有咬口，入口係好香濃既菇、蒜、洋蔥、黑椒味🍄柚子芒果芝士餅同上，簡直係大滿足👏🏻
🔛 整體評分（8/10）
Post
