魔膳廚房 (Closed)

每人心目中都應該有某種食物是無法抗拒，於我黎講一定非「靚牛扒」莫屬，呢間魔膳廚房就有呢種本事，可以挑起你最原始嘅食慾，令人食指大動魔性盡現。呢度裝修雖然普普通通中規中矩，但我就比較著用付出的金錢是否落响食材方面，呢樣野魔膳絕對比到你。餐湯同餐包不能不提是這個餐包「非一般」咁好食，好香好鬆軟，唔會好似平時嗰啲餐包又硬得乾，靜係食個包都感受到呢間餐廳十分用心。餐湯方面有羅宋湯同忌廉南瓜湯比你揀，兩款都好好飲。香煎美國西冷8oz配薯菜（$138）「重量級」西冷牛扒有成8安士咁重，兩面都煎出好靚的碳紋。千奇唔好睇佢成半寸厚會好韌，打橫一刀輕輕一砌就將成塊扒輕易劏開，清脆利落。咬落有𡁻頭，肉味非常濃，而且中間仲保留到肉汁，抵讚。☕️Rose Coffee食完咁濃味咁Heavy的西冷牛扒，唔想飯氣攻心緊係嘆返杯香濃咖啡提下神。呢杯玫瑰咖啡真係有玫瑰花的清香，可以清清喉嚨。