大飯糖甜品小食屋 (Moved) New Location

放假嚟到元朗食完晏晝，即刻諗起要嚟食返個甜品。好耐冇嚟過，原來而家多咗軟雪糕食，好似都幾吸引。不過我都係叫返好出名嘅魔鬼三兄弟食😋有朱古力奶凍、朱古力心太軟、朱古力雪糕。貪心的人最岩食😂心太軟朱古力勁流心😍，好濃朱古力味之餘亦都唔太甜，好食👍🏼朱古力奶凍比較硬身，味道普普通通。建議大家先試咗啖朱古力奶凍先，因為相比之下心太軟同雪糕都比較濃味，如果之後再食朱古力奶凍嘅話，可能會覺得冇乜味。