茶舍 (景福街)

Open Now

Now Closed

想搵個地方同fd傾下計食個tea, 附近大型商場又無咩啱心水，見到呢間乾淨企理, 就入嚟試吓。 朋友想試魔鬼芝士，點了個芝士著條，軟殼蟹白酒天使麵，柚子雞件及蒜香雞翼。天氣咁熱，見到有我最愛的芒椰特飲，即刻點返杯！魔鬼芝士著條，好吸引，熱辣辣，薯條炸得夠脆，表面鋪滿厚層芝士，芝士全覆蓋薯條，絕對唔係外面d餐廳得少少芝士。幾款芝士撈埋十分好食，好邪惡食不停口。軟殼蟹白酒天使麵，呢款好有驚喜，有原隻軟殼蟹炸得好脆，配料有什菌，魷魚同蜆，好豐富，天使麵食落夠滑，味道很不錯！2款小食柚子雞件同蒜香雞翼炸得香脆，餐湯羅宋湯足料好飲。芒果雜果生椰乳特調，滿滿芒果，幾清新。紫薯椰乳特調，幾有特色，朋友十分滿意。環境比一般茶記舒適，食物亦是西餐廳的質素，下次再試其他魔鬼芝士系列。