宗像屋 (Closed)

魚生非常新鮮，魚蓉入口即溶，周邊有蟹肉、海膽、三文魚子包圍，每款魚生鮮甜。三文魚子唔會太鹹，海膽非常新鮮。魚生飯除咗可以做茶漬飯之外，仲可以做手卷。餘下三份一白飯可以做茶漬飯。茶漬飯湯底鮮甜，味道不會太鹹或者太淡，味道剛剛好，當食完整個魚生飯後，加一碗茶漬飯，感覺一冷一暖，好溫和。鐘意飲湯嘅朋友，可以叫餐廳另外添湯（免費）。生蠔忘記咗影相，今次2款生蠔都試晒，日本厚岸&令和怪物生蠔，2款都鮮甜肥美，而厚岸生蠔海水味較淡，鍾意海水味較濃嘅朋友，可以選擇令和怪物。