Video
Read full review
2021-07-16
1842 views
早前朋友請咗我嚟食呢間專食omakase嘅高級日式料理，正呀😻😻睇睇下先知原來香港都有唔少可以lunch time平食omakase嘅餐廳，幾百蚊已經有交易，高質素之餘性價比又高，間唔中食下都幾開心～呢度lunch time坐係師傅席前食壽司套餐只需400蚊內，好抵食，另外餐牌仲有好多熟食嘅定食料理，就算有朋友唔食生冷嘢都照顧到👌🏻師傅細心咁預備啲壽司，而且仲好健談添。壽司套餐今次揀咗12貫壽司套餐好豐富，包括前菜、沙律、茶碗蒸、12件壽司、卷物、烏冬同咖啡／茶／雪糕。前菜係凍食嘅茄子，涼涼地酸酸咪咪唔錯。茶碗蒸都好滑。雪糕揀咗芝麻味，雖然無影到相lol不過好好味，芝麻味濃郁😚左口魚、赤貝、油甘魚加七色芝麻、伊左木、左口魚、銀鱈魚、吞拿魚醬油漬、竹籤魚、大拖羅、海膽卷、牡丹蝦配燒蝦膏、太卷配昆布紙比起之前食過同類型嘅餐廳，呢度嘅壽司偏向比較少調味同花巧嘢，主要食魚生本身嘅鮮味。魚生質素都幾好，唯一係覺得個飯有少少握得實咗同乾咗啲啲。第一件係左口魚，通常都係食炙燒，今次原汁原味咁食到佢嘅原味，魚味偏淡，作為開頭就啱晒。赤貝新鮮彈牙😗第三件嘅油甘魚面頭加咗啲七色芝麻賣相夠靚，食落有芝麻烘香
壽司套餐
今次揀咗12貫壽司套餐好豐富，包括前菜、沙律、茶碗蒸、12件壽司、卷物、烏冬同咖啡／茶／雪糕。前菜係凍食嘅茄子，涼涼地酸酸咪咪唔錯。茶碗蒸都好滑。雪糕揀咗芝麻味，雖然無影到相lol不過好好味，芝麻味濃郁😚
左口魚、赤貝、油甘魚加七色芝麻、伊左木、左口魚、銀鱈魚、吞拿魚醬油漬、竹籤魚、大拖羅、海膽卷、牡丹蝦配燒蝦膏、太卷配昆布紙
比起之前食過同類型嘅餐廳，呢度嘅壽司偏向比較少調味同花巧嘢，主要食魚生本身嘅鮮味。魚生質素都幾好，唯一係覺得個飯有少少握得實咗同乾咗啲啲。第一件係左口魚，通常都係食炙燒，今次原汁原味咁食到佢嘅原味，魚味偏淡，作為開頭就啱晒。赤貝新鮮彈牙😗第三件嘅油甘魚面頭加咗啲七色芝麻賣相夠靚，食落有芝麻烘香嘅香味唔錯。伊左木呢個品種都係第一次聽，面頭加咗啲辣味蘿蔔蓉提鮮，幾好食。煎銀鱈魚就見得多，作為魚生都係第一次食，估唔到燒過出咗少少油脂都唔錯😋竹籤魚都係好少見，面頭加咗啲柚子胡椒，帶點刺激感。拖羅就係接近大拖嘅位置，油脂感豐富，入口甘香，好食。另外仲有個牡丹蝦，有少少漿口不過都新鮮，面頭有啲燒過嘅蝦膏，離遠已經聞到香味😻最後當然要食個海膽先夠滿足啦，海膽份量澎湃，鮮味濃郁甘香，食完係會回味個種☺️☺️
人均消費：$400
推介指數（10分為滿分）：7.5分
Post
