Video
Read full review
2022-01-15
187 views
純麵舍兩個月前朋友同👧🏻介紹鰂魚涌開咗間新沾麵，平日LunchTime都見到有唔少人食，今次襯weekend少人返工日子終於可以試到🥰🌟純Makase Special是日特別沾麵係淡麗系豚魚介沾麵加大根(白蘿蔔)蓉🥕，睇返介紹先知道原來麵條係用上另一間頗有名氣嘅拉麵店- 彩 特製嘅麵條，肉眼可見每根麵條都充滿全麥粒小麥🌾 麵條比平時其他店舖嘅沾麵幼身，軟硬度屬於正常偏軟身，麵條過冷河後依然有黏埋一齊😣湯底係用上魚介湯，唔似平時嘅豚骨魚介湯咁重豬骨味同肥膩，反而係非常清新，充滿麻油香+鰹魚湯底，其香味同顏色不禁令人回想起出前一丁🤣湯底就唔掛湯，食起有啲似點冷麵汁🤣叉燒用上香港本地豬肉🐷，瘦肉比例較高，幸好口感不錯唔會打柴。溏心蛋蛋白🥚醃得非常入味，蛋黃就相對比較流心。海藻幾清爽，同湯底好夾👍🏻食左半碗時湯底已經凍咗，店員主動幫我地加熱湯🍲，又問我地有冇興趣試埋辣味，咁就緊係試埋啦🤓 👧🏻就揀咗小辣，沾麵湯加咗袐製辣油同幾塊蒜片，加辣後湯底香到痴線，唔係講笑！佢嘅辣係慢慢滲出嚟，不過大大啖飲就容易嗆喉😳（應該係平時食開譚仔十小辣/清湯嘅👧🏻太廢）以$68呢個價錢，呢碗沾麵水準非常出色😍以同
兩個月前朋友同👧🏻介紹鰂魚涌開咗間新沾麵，平日LunchTime都見到有唔少人食，今次襯weekend少人返工日子終於可以試到🥰
🌟純Makase Special
是日特別沾麵係淡麗系豚魚介沾麵加大根(白蘿蔔)蓉🥕，睇返介紹先知道原來麵條係用上另一間頗有名氣嘅拉麵店- 彩 特製嘅麵條，肉眼可見每根麵條都充滿全麥粒小麥🌾 麵條比平時其他店舖嘅沾麵幼身，軟硬度屬於正常偏軟身，麵條過冷河後依然有黏埋一齊😣
湯底係用上魚介湯，唔似平時嘅豚骨魚介湯咁重豬骨味同肥膩，反而係非常清新，充滿麻油香+鰹魚湯底，其香味同顏色不禁令人回想起出前一丁🤣湯底就唔掛湯，食起有啲似點冷麵汁🤣
叉燒用上香港本地豬肉🐷，瘦肉比例較高，幸好口感不錯唔會打柴。溏心蛋蛋白🥚醃得非常入味，蛋黃就相對比較流心。海藻幾清爽，同湯底好夾👍🏻
食左半碗時湯底已經凍咗，店員主動幫我地加熱湯🍲，又問我地有冇興趣試埋辣味，咁就緊係試埋啦🤓 👧🏻就揀咗小辣，沾麵湯加咗袐製辣油同幾塊蒜片，加辣後湯底香到痴線，唔係講笑！佢嘅辣係慢慢滲出嚟，不過大大啖飲就容易嗆喉😳（應該係平時食開譚仔十小辣/清湯嘅👧🏻太廢）
以$68呢個價錢，呢碗沾麵水準非常出色😍以同區其他餐廳差唔多價位就可以食到沾麵，服到態度又主動同體貼，非常滿意☺️
Post
