Crazy King Restaurant and Bar (Closed)

朋友介紹左一間位於大角咀既餐廳，餐廳主打高級魚子醬料理。平民價錢食到高級魚子醬，我當然要去食下啦！餐廳有個魚子醬套餐，有前菜、沙律/湯、有主菜。價錢好抵食啊！今晚番屋企之前就去食個晚餐啦！環境好舒服，裝修好親民。前菜是魚子醬三重奏。魚子醬配劍魚腩、魚子醬溫泉蛋、紅蝦魚子醬薯仔沙律。魚子醬粒粒甘香，味道果然出色。沙律配上自家製青瓜醬汁，非常開胃。主菜叫左黑松露忌廉汁燴豬膝，豬膝慢煮後非常滑溜，膠質感重，而且黑松露非常濃香！