茶舍 (北帝街)

Open Now

Now Closed

兩個月前下午茶時間路經此地，當時有一堆人係餐廳門口等候，即刻上網睇食評，發現評價良好，所以mark低要試。星期六下午2點嚟到，場內幾乎滿坐!! 好好彩，我地唔駛等位可以直入。香脆魚柳包配薯條 $42餐牌個「原條魚柳包lunch set」圖片相當吸引，但價錢唔夠親民，加上下午茶都有個魚柳包，估計應該唔會差太遠。魚柳新鮮炸出嚟，外脆內嫩滑多汁，好高質!!! 就連個麵包都好有質素，麵包質地軟熟、有彈性，中間烘到焦脆，搽埋牛油，配埋個無得輸嘅千島醬，好味到令人想再食多個🤤。炸大雞髀配薯條 $42呢隻雞髀偏細，薯條份量亦唔多，感覺賣$38比較合理。生炸雞髀，無炸粉，油膩感大大減低。調味適中，亦入味，唔會過鹹。第一次送上嚟果隻髀中心位未熟，仲係生肉，結果炸過隻。等左十分鐘左右，送上一隻全新髀，但收盤果陣連薯條收走，我地當然要求比番d薯條。結果等多一個字，一個單點份量嘅薯條送到。抵讚，今次食嘅野都係即叫即炸，雖然要等2-3個字，但包保上枱果陣熱到出哂煙😏。加$16柚子芝士蛋糕蛋糕比想像中細件，不過味道比賣相好，柚子味好出，亦食得出濃郁芝士味。