魚鱻魚湯專門店 (Closed)

細佬介紹嘅魚湯米線餐廳，所以呢晚就同咗男朋友專程去試。餐廳係一般茶記格局，冇乜裝修，走街坊路線。望下個餐牌都有好多選擇。而我就好快地揀咗招牌魚腐魚湯米線，男朋友就揀咗鯇魚片米線。我地再點咗兩款小食，白灼魚皮同埋我至愛嘅椒鹽豆腐。兩碗米線份量十足，多到滿瀉咁滯！魚湯好清好鮮甜，冇乜味精。特別想講下椒鹽豆腐，熱辣辣同皮脆內嫰，這個我會俾100分！而白灼魚皮，因為食慣炸魚皮，所以覺得有啲似食緊橡膠嘅feel，有興趣可以一試啊！