海街丼 (E-Max) (Closed)

呢間「海街丼」本店其實係東京嘅「三軒茶屋」，「渋谷」都有分店，香港仲有成三間咁多。海街丼最出名嘅係佢哋嘅海宝丼，用料做法同日本本店一樣。個丼飯有分「並」、「上」、「特上」。「並」材料有吞拿魚、油甘魚、穴子、章魚、蛤蜊、小扇貝、靑瓜。全部切成粒，鋪滿喺白飯面。「上」就多咗三文魚子同埋本雪場蟹。「特上」仲更加多埋海膽同埋海蝦添。食時可以加入壽司醋啫喱，不同食材，加上啫喱嘅質感非常之特別。我食嘅呢款係「上」，仲多咗蟹肉同三文魚子嘅鮮味。食到三分之一仲可以加入魚湯、芝麻、紫菜、脆粒做茶漬飯。套餐仲有一碟小配菜添。