Video
Read full review
2022-10-25
60 views
今日放假經過新蒲崗搵食 見到海膽仔openrice上面係新蒲崗有最多好評就去試下雖然下晝4點 但都full左 即使下張檯到我地 都要等大約15-20分鐘先入得遲來過我地既情侶就留低電話等店員通知食物黑松露火炙油甘魚丼油甘魚同飯嘅份量唔成比例 碗飯就好大碗 啲油甘魚切成粒狀 好疏落咁鋪喺飯上面 少得可憐正常火炙應該輕輕用噴槍炙燒生魚表面 引出更豐富的魚油但係我呢碗丼飯嘅火炙 由張相都可以見到 某幾舊魚嘅表面燒到焦黑色整體火炙完之後 好似煮熟咗啲油甘魚咁至少五六成熟唔似食緊魚生飯日本左岸蠔 & 法國Gillardeau蠔法國號好細隻但係勝在夠爽口鮮甜日本蠔大隻好多 咬落去好creamy 不過我prefer質感爽口嘅蠔多啲令人失望嘅係佢咁大隻 同埋貴法國蠔$20但係只係食到海水既鹹味 一啲都唔鮮甜入座混亂其實唔關我地事 但為下一對入座既情侶抱打不平事源後面二人枱客人結帳埋單 店員就打電話叫排喺我哋後面對情侶返嚟入座嗰張二人枱隔離張四人枱本身坐咗個四人家庭就係呢個時候呢個家庭突然無啦啦多咗兩位成員入嚟餐廳仲搶先嗰對情侶坐咗嗰張啱啱空出嚟嘅二人枱店員亦都冇阻止所以嗰對情侶返嚟嘅時候就已經冇位呢件
雖然下晝4點 但都full左
即使下張檯到我地 都要等大約15-20分鐘先入得
遲來過我地既情侶就留低電話等店員通知
食物
黑松露火炙油甘魚丼油甘魚同飯嘅份量唔成比例
碗飯就好大碗 啲油甘魚切成粒狀
好疏落咁鋪喺飯上面 少得可憐
正常火炙應該輕輕用噴槍炙燒生魚表面 引出更豐富的魚油
但係我呢碗丼飯嘅火炙 由張相都可以見到
某幾舊魚嘅表面燒到焦黑色
整體火炙完之後 好似煮熟咗啲油甘魚咁
至少五六成熟
唔似食緊魚生飯
日本左岸蠔 & 法國Gillardeau蠔法國號好細隻但係勝在夠爽口鮮甜
日本蠔大隻好多 咬落去好creamy
不過我prefer質感爽口嘅蠔多啲
令人失望嘅係佢咁大隻 同埋貴法國蠔$20
但係只係食到海水既鹹味 一啲都唔鮮甜
入座混亂
其實唔關我地事 但為下一對入座既情侶抱打不平
事源後面二人枱客人結帳埋單 店員就打電話叫排喺我哋後面對情侶返嚟入座
嗰張二人枱隔離張四人枱本身坐咗個四人家庭
就係呢個時候呢個家庭突然無啦啦多咗兩位成員入嚟餐廳
仲搶先嗰對情侶坐咗嗰張啱啱空出嚟嘅二人枱
店員亦都冇阻止
所以嗰對情侶返嚟嘅時候就已經冇位
呢件事係我地食野食到一半發生 估計佢地等左大約30分鐘
佢哋等咗咁耐返到嚟 因為店員管理不善 無啦啦冇咗個位真係好慘
總結
我都唔明點解呢間嘢openrice上面喺新蒲崗頭幾位熱門嘅餐廳
冇錯以魚生飯嚟講 咁嘅價位係幾抵食
但係佢嘅質素又唔係真係好高
如果要食魚生嘅話
我寧願俾貴少少出去其他日本餐廳食
同埋正我所講佢入座好混亂 本身喺度用餐嘅客人突然多咗朋友嚟食嘅話 店員唔會阻止
變相對後面排緊隊嘅客人唔公平
Post
