今助烏冬御膳 (Closed)

以前經過好多次，今次都系第一次上嚟雅蘭揾食。12點先開始營業，去早咗，唯有周圍行下啰。將近12點時上去，見到已經有幾枱人坐喺度啦。揀咗烏冬鍋物及牛肉烏冬拼魚生飯套餐。套餐份量頗足，也不過98，有一大碗牛肉清湯烏冬及一碗魚生飯，如果是飯量不大的女仔，兩個人share一個套餐都OK的。烏冬又滑又彈牙，魚生飯特別一提，飯是有白色的魚仔（類似白飯魚？）及冬菇絲一齊煮的，食落唔會好似普通的飯咁樣得個酸味，而是有種清甜的味道。鍋物烏冬是朋友點的，未有嘗試，聽來評價尚可，湯底較濃郁，份量都有返咁上下。本想點其他食家提到過的鰻魚三重飯及蠔鍋，然而揾勻個菜單都唔覺有呢兩樣嘢，唯有放棄。埋單200有找，味道幾好價格適中，以食物來說是可以有下次的。服務方面，我其實想比只零雞蛋佢的，一來叫落單都好難叫，兼且埋單時是有找錢的，個哥哥仔拿找續的錢過來，我錢都未拿完，他就急急腳拿著個找錢簿走咗了。雖然只是幾個碎銀，but呢種態度令人感覺不好。