東湖小廚聯威餐廳

Open Now

Now Closed

今日去銅鑼灣辦完公事，已經係晩上時份，肚仔開始肚餓，天氣轉涼，令我餓得特別快，所以就想揾間可以快速上菜既餐廳，食個便飯。聽朋友介給過，銅鑼灣有間新開茶餐廳，食物質素幾好，上台又快，所以我就去左光顧啦。魚香茄子煲冬天凍冰冰，特別想食煲類既嘢。落單後不用五分鐘，快速上台的茄子鍋，超級香超級吸引，伴一伴勻茄子，發出吱吱聲響，口水都要流啦。茄子份量好多，煮至腍軟，吸引晒調味料既味道，叫碗白飯岩岩好。叉燒湯意好耐冇食湯意，而餐廳又主打叉燒，咁我就試試佢。叉燒有幾件，有薄切有厚切，吸收左湯汁後，蜜汁味冇咁濃，但就較為軟身。意粉煮得偏腍，湯底夠味唔會太鹹，落埋胡椒就更好食。