Video
Read full review
2011-01-17
22 views
16-1-2011以前幫襯過呢度的大坑店 (http://www.openrice.com/restaurant/commentdetail.htm?commentid=2043625), 印象很不錯, 是日天氣繼續超凍, lunch 勁想食「一人一鍋」, 人在銅記結果捉了朋友嚟加路連山道店食 shabu-shabu. 星期日 2 人無訂位約 1:00pm 嚟到, 竟然都「攝」到位. 前菜繼續係燒枝豆, 外一樣燶, 內裡的豆粒一樣飽滿, 粉粉的及清香, 亦一樣唔熱, 不過仍然係幾有誠意的安排.繼續叫了最基本的 set lunch ($68), 配]美國牛肉, 鯛魚清湯底及稻庭烏冬:-鯛魚清湯: 未落配料前先飲一啖, 好似無上次喺大坑飲到的咁「滑如牛奶」, 不過嗒得出清甜無添加的魚味, 仍然喜歡.美國牛: 幾薄身, 色澤嫣紅, 食落肉味一般, 不過夠嫩滑, 蘸點甜甜的麻醬同吃, 都幾好食.蔬菜如常有金菇, 冬菇, 靈芝菇, 紹菜, 小棠菜及豆腐, 索滿湯汁又滾到腍腍的, 清甜味美, 比牛肉仲好食 稻庭烏冬: 滑溜, 帶點煙韌, 亦唔易腍晒; 但我太失策, 成餅放湯後唔記得攪散佢,
16-1-2011以前幫襯過呢度的大坑店 (http://www.openrice.com/restaurant/commentdetail.htm?commentid=2043625), 印象很不錯, 是日天氣繼續超凍, lunch 勁想食「一人一鍋」, 人在銅記結果捉了朋友嚟加路連山道店食 shabu-shabu. 星期日 2 人無訂位約 1:00pm 嚟到, 竟然都「攝」到位.
前菜繼續係燒枝豆, 外一樣燶, 內裡的豆粒一樣飽滿, 粉粉的及清香, 亦一樣唔熱, 不過仍然係幾有誠意的安排.
繼續叫了最基本的 set lunch ($68), 配]美國牛肉, 鯛魚清湯底及稻庭烏冬:-
鯛魚清湯: 未落配料前先飲一啖, 好似無上次喺大坑飲到的咁「滑如牛奶」, 不過嗒得出清甜無添加的魚味, 仍然喜歡.
美國牛: 幾薄身, 色澤嫣紅, 食落肉味一般, 不過夠嫩滑, 蘸點甜甜的麻醬同吃, 都幾好食.
蔬菜如常有金菇, 冬菇, 靈芝菇, 紹菜, 小棠菜及豆腐, 索滿湯汁又滾到腍腍的, 清甜味美, 比牛肉仲好食
稻庭烏冬: 滑溜, 帶點煙韌, 亦唔易腍晒; 但我太失策, 成餅放湯後唔記得攪散佢, 搞到烏冬有點黐底 不過到最後我已將成個 pot 拎起就咁飲晒 d 湯, 要食埋黐了底的烏冬其實都唔難的, 哈哈.
朋友的 executive set lunch ($138) 揀了和牛 + 美國牛, 配木魚清湯及白飯; 跟餐仲有一串串燒:-
- 試了一片和牛, 肉味比美國牛更淡, 不過質地就更嫩滑鬆化, 各有各好吧.
- 串燒 (只可揀 $40 樓下) 揀了煙肉鵪鶉蛋卷, 簡單用豬肉包住鵪鶉蛋再掃上照燒汁, 食落(醬汁的)甜甜哋又(豬肉的)鹹鹹哋, 加埋清香的蛋味, 幾得意亦幾討好的.
另外亦散叫了一串燒牛舌 ($45): 唔算厚身, 不過一片係好大片 燒得熱辣辣, 幾鹹香, 不過質地有少少韌, 收 $45 一串, 絕對可以更好的.
仲有飲品 (揀了 Coke Zero) 或甜品 (是日係朱古力雪米糍), 認真豐富的 set lunch
環境及招呼同大坑店都幾乎一樣, 連加一埋單約 $100, 朋友就約 $175, 食得滿意又飽足, 天寒地凍絕對值得試試.
Post
