Video
Read full review
2023-04-04
1534 views
今晚既主題係✨鮑羅萬有✨，聽個名都知道係用鮑魚做主題，如果鍾意鮑魚嘅朋友就一定開心餐廳比想像中細，職員安排我地坐係窗邊位置，拎野食嘅地方唔大，食物種類唔算多，我地既座位距離食物好近，都算係優點，起碼行多幾次都唔覺得攰一開始食海鮮冷盤先，都係有龍蝦蟹腳生蠔等等基本嘢，特別小小嘅係由小龍蝦做冷盤，一般平時通常都係麻辣小龍蝦蟹腳同埋生蠔偏瘦，唔多肉，其他海鮮就一般味道，不過不失喺食海鮮冷盤途中，職員每位上咗一點燴鮑魚，伴碟有西蘭花同花菇，花菇好厚身，如果食晒一隻應該會好浪胃全晚我最鍾意，反而係依個羊架，佢冇平時自助餐醃得咁鹹，同埋一啲都唔韌，煎到兩面有少少焦香，襯埋個燒汁食一流全晚最失望嘅係青口，我係好鍾意食青口，平時起碼食兩打，但我竟然依碟都食唔完，因為好鹹同青口肉質好霉呢度另外有個主打，就係19:30準時敲鐘，準時送上由酒店米芝蓮餐廳「唐閣」烹煮既乳豬，鐘聲一響，全部人都即刻排隊去拎，係難得既畫面，因為今晚實在太少人，拎所有野都唔使排隊拎咗一份返黎試，係好味既，但可能乳豬突出唔到米芝蓮既級數😂😂只可以話比一般嘅乳豬有肉，唔係酒樓乳豬剩係得層皮同肥膏，唔會死咸，要形容既話就係一隻好味嘅乳豬
餐廳比想像中細，職員安排我地坐係窗邊位置，拎野食嘅地方唔大，食物種類唔算多，我地既座位距離食物好近，都算係優點，起碼行多幾次都唔覺得攰
冷盤海鮮
48 views
0 likes
0 comments
一開始食海鮮冷盤先，都係有龍蝦蟹腳生蠔等等基本嘢，特別小小嘅係由小龍蝦做冷盤，一般平時通常都係麻辣小龍蝦
蟹腳同埋生蠔偏瘦，唔多肉，其他海鮮就一般味道，不過不失
喺食海鮮冷盤途中，職員每位上咗一點燴鮑魚，伴碟有西蘭花同花菇，花菇好厚身，如果食晒一隻應該會好浪胃
羊架
36 views
0 likes
0 comments
全晚我最鍾意，反而係依個羊架，佢冇平時自助餐醃得咁鹹，同埋一啲都唔韌，煎到兩面有少少焦香，襯埋個燒汁食一流
34 views
0 likes
0 comments
全晚最失望嘅係青口，我係好鍾意食青口，平時起碼食兩打，但我竟然依碟都食唔完，因為好鹹同青口肉質好霉
呢度另外有個主打，就係19:30準時敲鐘，準時送上由酒店米芝蓮餐廳「唐閣」烹煮既乳豬，鐘聲一響，全部人都即刻排隊去拎，係難得既畫面，因為今晚實在太少人，拎所有野都唔使排隊
拎咗一份返黎試，係好味既，但可能乳豬突出唔到米芝蓮既級數😂😂只可以話比一般嘅乳豬有肉，唔係酒樓乳豬剩係得層皮同肥膏，唔會死咸，要形容既話就係一隻好味嘅乳豬🙈🙈
可能今晚人流唔算多，我之後行過燒味位置，仍然都見到有乳豬淨，但已經冇人拎
38 views
0 likes
0 comments
甜品位置除咗有一般蛋糕同糖果，仲有即製棉花糖，即製pancake，不過感受到今晚嘅職員實在唔熟手，等佢哋煎pancake平均第一塊係失敗，有可能係個鑊嘅問題，我嗰塊(職員姨姨)煎到中間穿咗個大窿，個賣相超差，勉強加咗啲朱古力醬喺面，但個賣相令我食咗一啖就俾咗朋友食，同朋友講當試左唔使再拎😂😂
41 views
0 likes
0 comments
(呢個雪糕實在太開心，所以食咗一啖先記得影)
話說我哋18:00到達，因為唔多人，所以個感覺冇咁緊張，所有野都可以慢慢食，食到雪糕呢個時間已經係去到21:30，見啲職員已經開始收緊啲熱盤，即係就嚟收工，所以都嗱嗱聲去拎雪糕做結尾
面對八種口味，樣樣都想試，平時都係每次揀兩種味，最多行多兩次拎，今次大膽咁問(職員姨姨)可唔可以每種口味都要😂😂佢一聽然後望一望裝雪糕個碗話可能放唔晒，我即刻喺隔離拎咗隻大碟俾佢，佢一睇都笑咗出嚟，還未試過咁，但都接過我隻碟，然後好努力咁筆左八球雪糕俾我，幫我劃上左全晚最滿足既句號。
總結💁🏼♀️鮑魚做賣點唔算好吸引，食物種類唔算多，但勝在人流唔多可以慢慢食，食物質素唔算差，職員服務態度好，同朋友慢慢傾偈慢慢食，係一般自助餐好難做得到，最後食足四個鐘，肚皮同心靈都好滿足
Post
