鮨池壽司店 (Closed)

有6個course：前菜、刺身、卷物、熟食加燒物、天婦羅同炒飯。香芒蟹子salad有好多青瓜所以夠清新，做starter一流。兩隻生蠔超新鮮，連我平時唔多鍾意食嘅，都覺得好好味，夠大隻夠鮮甜！總共有六款刺身，包括鮑魚，三文魚，油甘魚， 赤蝦，帆立貝同八爪魚，全部都好新鮮！我平日唔多食三文魚，但今次呢個火炙芝士三文魚卷配搭，加埋芝士，我覺得都幾好味。有三文魚油香，芝士令到成個口咁都好creamy。魚奶湯我覺得超好味，有好多素菜！！好想散叫多幾碗。燒雞翼同牛舌都幾好，雞翼超大隻，燒完都好多汁，牛舌厚切有口感！雜錦天婦羅包兩隻蝦，同四款菜，外皮鬆脆，冇油膩感！最後食埋個櫻花蝦雞肉炒飯真心飽飽。最後仲有apollo雪條！！$688加10%我覺得抵啦！呢到坐得舒服，師傅同服務員都好好人，最緊要夠安靜，可以好好享受。