華苑酒家 (Closed)

友人介紹我到元朗朗屏站附近的華苑酒家食蒸氣粥底鍋，之前未食過，今次第一食感覺好新鮮。這間酒家樓高三層，底層應該係做客飯小菜，上面兩層側做火鍋及蒸氣鍋。我地上到去就揀了蒸氣海鮮餐，每人可以揀四款海鮮(每款一隻)，我地分別揀了大蝦，元貝，飽魚和蟶子皇，每款都好新鮮和大隻。另外亦揀了淮山雞粥。好快店員就奉上各類海鮮並為我地放好生米及雞肉等配料到鍋底，然後再放上海鮮及預較好約5分鐘時間去蒸海鮮。5分鐘後我就食到好鮮甜味美既海鮮，基本上每須點上任何醬汁都勁鮮甜。蝦頭多蝦膏到爆到我整件衫都係汁，元貝肉質好又大隻感覺似在食剌身，蟶子皇肉質極爽。食完海鮮後，我地另外再點了和牛，手打各類肉丸及蔬菜等各類任食選擇，最特別的還有馬拉糕，蒸上來原來仲幾鬆幾好食。另外，和牛亦好值得推介，肉質靚口感仲好好，我地點了幾碟都好快奉上。仲有，肉丸彈牙蒸後食落仍有肉汁亦係不錯既選擇。最後我地當然食埋吸收了各種鮮味的雞粥作結，食咁多海鮮和美味食物，位位都只係$268，真係非常之扺食。