Video
Read full review
2020-05-29
103 views
早排見啲旅遊網推介呢間蒸氣海鮮鍋🧐，咁岩呢排屋企裝修去左黃埔睇傢俬，就順便試埋🤪。————————————————————九重鮮主打蒸氣海鮮鍋🍲，除左套餐指定既海鮮之外，仲可以任食卜卜蜆、大頭蝦、幾十款串燒、天婦羅同熟食🤤，亦可以出去夾下沙律、茶碗蒸、豆腐花、爆谷呢啲前菜🥗，而飲野就可以加$12任飲韓國汽水🧃。————————————————————弘益蒸鍋套餐 $268/人套餐包龍蝦、鮑魚同帶子，粥底可以揀豬手或泡菜，之後店員就會放低個三層蒸架，等十分鐘就食得⏱～龍蝦肉質爽彈🦞，蝦膏甘香到好似食緊蟹膏咁，推薦✨！鮑魚軟腍鮮甜，唔會咬唔開😋；不過帶子就好似蒸耐左，有啲韌，肉身亦唔算好大粒🤨。————————————————————食完第一輪既蒸氣海鮮，梗係即刻出去攞蜆蒸啦😆～四款任食蜆有沙白、白蜆、沙蜆同蕃薯蜆，雖然要出去攞，但完全唔使驚會比人攞哂😼，因為店員Refill既次數都幾密。四款蜆入面最中意白蜆，海水味濃，好鮮甜🌊！沙蜆海水味唔濃，但肉身係最飽滿既。蕃薯蜆雖然好大隻，但無乜蜆味🤭，不過肉質爽彈。沙白蜆就有啲普通，可以集中食其他幾款🙈。————————————————————可
咁岩呢排屋企裝修去左黃埔睇傢俬，就順便試埋🤪。
————————————————————
九重鮮主打蒸氣海鮮鍋🍲，除左套餐指定既海鮮之外，仲可以任食卜卜蜆、大頭蝦、幾十款串燒、天婦羅同熟食🤤，亦可以出去夾下沙律、茶碗蒸、豆腐花、爆谷呢啲前菜🥗，而飲野就可以加$12任飲韓國汽水🧃。
————————————————————
弘益蒸鍋套餐 $268/人
套餐包龍蝦、鮑魚同帶子，粥底可以揀豬手或泡菜，之後店員就會放低個三層蒸架，等十分鐘就食得⏱～龍蝦肉質爽彈🦞，蝦膏甘香到好似食緊蟹膏咁，推薦✨！鮑魚軟腍鮮甜，唔會咬唔開😋；不過帶子就好似蒸耐左，有啲韌，肉身亦唔算好大粒🤨。
————————————————————
食完第一輪既蒸氣海鮮，梗係即刻出去攞蜆蒸啦😆～四款任食蜆有沙白、白蜆、沙蜆同蕃薯蜆，雖然要出去攞，但完全唔使驚會比人攞哂😼，因為店員Refill既次數都幾密。四款蜆入面最中意白蜆，海水味濃，好鮮甜🌊！沙蜆海水味唔濃，但肉身係最飽滿既。蕃薯蜆雖然好大隻，但無乜蜆味🤭，不過肉質爽彈。沙白蜆就有啲普通，可以集中食其他幾款🙈。
————————————————————
可惜當日大頭蝦唔當造，只有海蝦🦐，不過真係好新鮮，因為放入蒸氣鍋個陣仲係跳跳紮（對唔住呀～😭），所以肉質超級爽彈！
————————————————————
除左海鮮之外，亦有幾十款串燒、天婦羅、烤肉可以任食✍🏻，可能主打都係海鮮，所以整體有啲普通🧐，下面係比較推薦既～
泡菜：口感爽脆，酸辣度適中🌶。
京蔥牛肉卷：京蔥爽甜多汁，同牛肉好夾🐮。
海鹽/新疆16味燒牛脷：新疆16味同孜然味好似，幾惹味。
炸鮮蝦雲吞：新鮮熱辣好香口👍🏻。
————————————————————
食到咁上下就可以開始食粥🍲～
海鮮泡菜粥簡直係精華所在😻，綿滑鮮甜，泡菜味酸辣醒胃，忍唔住係咁飲👍🏻。
————————————————————
雖然好飽，但記得食埋甜品焦糖布甸椰皇先好走🧚🏻♀️！上層布甸蛋香味超濃🍮，下層係用椰子水同椰肉製成既啫喱，椰肉軟滑清甜，同香濃既布甸出奇地夾🤞🏻，有驚喜～
Post
