Video
Read full review
2007-02-09
10 views
不經不覺已係度食左十幾年喇，由中學到現在。舖頭名都話明魚蛋粉麵，當然招牌菜係魚蛋啦。由當年只得魚蛋、魚片、炸魚皮及油菜賣，到今天多左牛腩、粉腸、丸類賣；由當年巧奪天工，到今天粗製濫造；由當年只開到晏晝兩點多、沽清就收檔，到依家開到晏晝五點半。無可否認質數係差左，但都依然好好食，希望唔會再差落去啦。我多年來最主要都係食魚蛋河，間中會拼下其他料。近年有熟麵供應，所以轉食魚蛋鴛鴦，即係粉麵兩溝。熟麵，口感似蝦子麵，咽咽哽哽、彈牙、不會有鹼水味。河粉，幼幼的河粉我最喜愛，因能帶更多湯汁，粉棉棉滑滑的，溫度剛好不會散、不會糊。粉麵一齊食，兩種不同的口感，很豐富、很特別。自製的魚蛋，有時見員工們或老闆在廚房內混魚膠打魚蛋。魚膠用多種新鮮魚柳混合打成，當然係家傳秘方啦。奶白色的魚蛋、很彈牙、極有鮮魚味，其他舖頭做唔到如此的鮮味。牛腩，做得不太好，有渣、鞋口、略肥、唔夠腍、腩汁頗油，但都算炆得夠入味。炸魚皮，不太正宗，炸粉太多、厚厚的，都算脆、但不鬆化，味道都唔錯，浸透湯先食會比較好。豬粉腸，口感較實、唔粉，可能無肥膏、太瘦的關係，唔滑。其他丸類，一般味道，無咩特別。油菜類，普通的烚菜，較淡口、不夠嫩
我多年來最主要都係食魚蛋河，間中會拼下其他料。近年有熟麵供應，所以轉食魚蛋鴛鴦，即係粉麵兩溝。熟麵，口感似蝦子麵，咽咽哽哽、彈牙、不會有鹼水味。河粉，幼幼的河粉我最喜愛，因能帶更多湯汁，粉棉棉滑滑的，溫度剛好不會散、不會糊。粉麵一齊食，兩種不同的口感，很豐富、很特別。
自製的魚蛋，有時見員工們或老闆在廚房內混魚膠打魚蛋。魚膠用多種新鮮魚柳混合打成，當然係家傳秘方啦。奶白色的魚蛋、很彈牙、極有鮮魚味，其他舖頭做唔到如此的鮮味。
牛腩，做得不太好，有渣、鞋口、略肥、唔夠腍、腩汁頗油，但都算炆得夠入味。
炸魚皮，不太正宗，炸粉太多、厚厚的，都算脆、但不鬆化，味道都唔錯，浸透湯先食會比較好。
豬粉腸，口感較實、唔粉，可能無肥膏、太瘦的關係，唔滑。
其他丸類，一般味道，無咩特別。
油菜類，普通的烚菜，較淡口、不夠嫩綠，經常烚得不夠熟，菜青味太勁。
不可不提此店自制的辣椒油，係我心目中最好味的。各香料比例非常好，蒜味十足，夠香，辣椒乾、辣椒肉、磨鼓醬等剛好，辣味夠勁。我都間中會買幾瓶放係屋企慢慢食。
一碗的份量都算充足，大多數男仕都會加兩蚊要加底，食大碗的。
本人極力建議，要食比較高質數的食物，最好在十二點前，因午後質數參差，湯底又淡左、魚蛋無味又太腍、河粉又爛又散。可能客多的關係，太忙或是轉了師父煮理。所以記住最好係朝早去呀。
侍應們都係阿姐級、老伙記，係度打工多年，服務尚算殷勤，但有時見太忙、客太多時，佢地會有啲燥囉。
環境都尚算整潔，洗手間衞生程度可以接受，十幾年都無裝修過，內部格局不變，都算坐得舒服，不太迫夾。
Post