鳴虎 (北帝街) (Closed)

自從地下鐵有咗屯馬線，搵地方食嘢多咗好多地方選擇，土瓜灣站就係其中一個，同事提起嗰度有間鳴虎，主打日本拉麵，湯底超正，一於過去試吓！鳴虎，加麵另上，湯底用咗豚骨熬製8小時，再加上魚介粉，每口都鮮味十足，材料配上日本火炙黑豚肉，肉質嫩滑入味，還加上大蔥、木耳、半隻溏心蛋和紫菜增添美味，麵嘅林度有得揀，同事揀咗軟麵，掛湯後，爽口彈牙又鮮味！鳴海老，湯底用豬骨湯加上用日本大頭蝦熬製的湯頭，加入日本櫻花蝦粉末，味道鮮味無窮，啖啖都係精華！材料每款都差唔多，只係湯底有分別。芝麻雞翼即叫即炸，外皮脆口，肉嫩有汁！