九重鮮 (Closed)

九重鮮係以蒸煮海鮮塔做賣點：海鮮塔一般最多有9層，今次我地就揀咗有5層嘅首爾塔。嚮蒸煮嘅過程中，海鮮嘅汁液會慢慢咁透過蒸鍋嘅氣孔，一層一層咁流到落底層嘅粥底當中。掛住食，所以今次無乜影到相～haha首爾塔總共有12款海鮮：第5層-蟶子、象拔蚌第4層-海蝦、扇貝第3層-北寄貝、花尾龍躉第2層-沙巴內蟹、大蚌、大花蛤第1層-翡翠螺、鮑魚、蝴蝶蚌底層-人參雞湯粥底貝類海鮮都好大隻，特別係蟶子同扇貝，鮮美彈牙；龍躉切片，只係配少量蔬菜清蒸，就已經好鮮甜嫩滑；肉蟹雖然蟹膏唔算太多，但同樣鮮甜多肉；最底層嘅粥底唔單只口感綿滑，而且仲完全地吸收咗上層海鮮同人參雞湯嘅精華，入口相當鮮甜。