有蒸氣 海鮮石鍋專門店 (Closed)

朋友介紹我同男朋友去食蒸氣火鍋，我地都從未試過，所以好期待。有蒸氣位於天文台道，係我印象中係高質食肆嘅集中地，附近嘅餐廳都好有水準由於時間尚早，有種包左場嘅感覺，位置寬敞坐得好舒服。有店員會為我地服務，全程坐定定等食就得，絕對岩曬懶人嚟食。我地揀左海底椰雞湯，用湯底嘅蒸氣蒸熟食物，同時令湯底愈煮愈濃。首先係黑松露蒸蛋，店員設定嘅時間係剛剛好，真心未試過咁滑嘅蒸蛋，口感一流，加埋黑松露味道更佳。然後食左幾款海鮮，不得不讚店員嘅服務同經驗，每道菜都係分得好平均，唔洗驚爭食而且會夾好曬係我地面前，食完仲會幫我地清理好Ｄ海鮮殼，加上每道菜蒸煮嘅時間都控制得好好，一開始我地擔心會唔夠飽，但係食完一道再等緊下一道蒸好嘅時候，唔覺唔覺都開始飽，份量絕對足夠。鮑魚、蜆、扇貝、龍蝦，令我呢個海鮮控非常滿足！食完海鮮之後仲有蒸雞同蒸菜，有菜食好開心，發現原來蒸菜都可以蒸得嫰神奇最後緊係要飲埋Ｄ精華—海底椰雞湯啦，我地一人飲左三四碗，仲食埋Ｄ雞添。正當我講緊：＂去食埋碗糖水就滿足啦＂嘅時候，真係有糖水食，仲要係凍冰冰嘅蕃薯糖水，夠薑味又清涼，無得輸。雖然蒸呢個方法比較耗時，但可以保持到食物原汁原味，尤其係海