Video
Read full review
2019-06-11
161 views
🔎油麻地彌敦道558-560號譽發廣場8樓*「鮮味十足，材料豐富」- 橫浜水產.正所謂又要瀨尿蝦，又要牛丸， 最好就溝埋一齊。今日又想食燒肉，又想打邊爐， 揾到間兩樣可以同時食嘅餐廳。 地點好易揾，好近油麻地地鐵站。入到餐廳環境都唔錯， 睇個名就知道走和風主題。拎到本Menu,先從八款湯底揀其中兩款， 今次我揀咗 橫濱昆布湯 同埋 360牛乳海鮮湯。套餐就揀咗最basic嘅 美國牛肩肉放題+刺身套餐話咁快湯底同刺身就到咗， 首先開爐煲湯底，跟住就慢慢試下個刺身先。刺身裏面有三文魚、甜蝦、 刺身帆立貝、三文魚子、北寄貝等。 各樣刺身都新鮮嘅， 中規中矩啦。食曬刺身之後個湯底都差唔多滾了。 店員都將火窩放題既牛肩肉、 黑豚肉、 雞腿肉送上。 另外店內 亦有火鍋配料嘅自助吧， 樣樣都應有盡有，自己拎唔使等。試咗個牛肩肉 肉味都ok夠， 但係真係要注意淥 嘅時間，不宜太長。 黑豚肉同雞腿肉都合格啦，正常質素。最後飲品方面係冇自取嘅， 不過有張Menu畀你剔， 仲有好多款畀你揀添。 有台式紅、綠茶、奶昔、沙冰、乳酸、花茶、 港式奶茶咖啡、 仲有六款罐裝飲品比你揀，都算花多眼亂。整體食物同飲品選
*
「鮮味十足，材料豐富」- 橫浜水產
.
正所謂又要瀨尿蝦，又要牛丸， 最好就溝埋一齊。
今日又想食燒肉，又想打邊爐， 揾到間兩樣可以同時食嘅餐廳。 地點好易揾，好近油麻地地鐵站。
入到餐廳環境都唔錯， 睇個名就知道走和風主題。
拎到本Menu,先從八款湯底揀其中兩款， 今次我揀咗 橫濱昆布湯 同埋 360牛乳海鮮湯。
套餐就揀咗最basic嘅 美國牛肩肉放題+刺身套餐
話咁快湯底同刺身就到咗， 首先開爐煲湯底，跟住就慢慢試下個刺身先。
刺身裏面有三文魚、甜蝦、 刺身帆立貝、三文魚子、北寄貝等。 各樣刺身都新鮮嘅， 中規中矩啦。
食曬刺身之後個湯底都差唔多滾了。 店員都將火窩放題既牛肩肉、 黑豚肉、 雞腿肉送上。 另外店內 亦有火鍋配料嘅自助吧， 樣樣都應有盡有，自己拎唔使等。
試咗個牛肩肉 肉味都ok夠， 但係真係要注意淥 嘅時間，不宜太長。 黑豚肉同雞腿肉都合格啦，正常質素。
最後飲品方面係冇自取嘅， 不過有張Menu畀你剔， 仲有好多款畀你揀添。 有台式紅、綠茶、奶昔、沙冰、乳酸、花茶、 港式奶茶咖啡、 仲有六款罐裝飲品比你揀，都算花多眼亂。
整體食物同飲品選擇都多 又有打邊爐同燒肉， 價錢亦唔貴。
🍽8.5/10
Post
