寿司部

Open Now

Now Closed

前排去奧海城做嘢就順道去大角咀寿司部食lunch ，menu裏頭有好多唔同類型嘅壽司，我點咗必食嘅三文魚肥腩底、劍魚腩、原隻甘海老、原隻北海道帶子、皇帝蟹棒、鹽燒左口魚邊、加拿大海膽、同埋一份燒鰻魚手捲。 入面環境唔係好大，主力都係做外賣為主，但係老闆就非常用心介紹食物嘅種類，同埋佢哋嘅壽司係即叫即做 絕對新鮮，我點解每一款壽司都肥美可口，同埋好有鮮味，特別推介三文魚肥腩底壽司同埋海膽壽司，真係會食到停唔到口。 而佢哋另一招牌菜係雜錦海鮮薄餅飯，入面材料十足同經過鹽燒處理，所以特別香及可口，最緊要價錢貼地所以我都買咗一份返屋企慢慢食。其實呢度都係相距奧運港鐵站7、8分鐘路程，如果下次去奧海城我一定會再嚟試佢嘅壽司。