大煲皇煮廚 (Closed)

晚上唸唔到食咩，唔緊要，打邊邊係一年365日都適合的野食。之前已一直好想黎呢間試下，個名好霸氣──大煲皇。但一直無人陪我黎食，傷心中…今日有阿肥黎同我食，坐底立即送上d花生小食，並送上醬料，基本酒樓必備既火鍋醬料都有，算係咁啦！叫左個冬瓜瑤柱翅群雞鍋，有隻雞，又有冬瓜，又有翅，最面頭仲有三粒大大粒既瑤柱，好重本哦！雞就一定係冰鮮架啦，但沾上自己溝既混醬，都好好食。滾緊既同時，叫左三文魚腩刺身一磅，好似係98蚊。三文魚腩刺身好滑，肥美，魚味濃，好正。雙拼餃大大隻，涵料豐滿，但皮略厚。同埋叫左美國牛，睇落雖然無咩肥位，但牛味也不錯。滾滾下d冬瓜都已熟透，吸收哂d湯汁既精華，又淋又鮮甜，正！菜分別叫左糖生菜同白菜仔，白菜仔好新鮮，洗乾淨左，無沙泥。糖生菜都好新鮮，但有幾塊個葉尾部黑左。食完飽飽返屋企。