Video
Read full review
2018-01-06
150 views
近排天陰陰，再加上天寒地凍，最佳嘅節目當然就是同好友齊齊去打邊爐。友人提議去吃粥底火鍋，原來這個「鬼靈精」不知從望那裡得知，旺角最近新開咗間取名「一鍋瘋」嘅一人前海鮮火鍋專門店，主打一人一爐粥底鍋，湯底非常 Sharp 醒，五顏六色，有粟米、甘筍、椰子、紫薯同菠菜，感覺特別，所以想拉埋我去試下。新店位於砵蘭街，是家地舖。門外嘅店員很熱情，不停地向路過嘅途人介紹店舖裡的火鍋套餐。入座後，先細心研究一下這個粥底套餐，原來項目都幾豐富，每位只須 $198，另設加一服務費，就已經包 1 款粥底、6 款即劏海鮮、迷你拼盤(丸類和餃類)、黑豚肉、3 款蔬菜，另加 3 種自選配料。不過套餐就唔包飲料，飲品需額外收費，有汽水、烏龍茶、自家製菊花茶同這渣清熱潤喉嘅竹蔗茅根 ($48) 可供選擇。點完粥底後，店員會隨即送上蔥蒜等醬料同開胃嘅胡麻沙律做前菜。粥底揀咗粟米同平日比較少見嘅菠菜，粥水質感好滑溜，不會太濃稠，而且由於加入了新鮮蔬菜汁煮成，所以聞落味道都幾香甜清新，用料健康又落足心機。海鮮拼盤有 6 款時令海鮮，當中包括有蜆、花甲、貴妃蚌、鮑魚、海蝦同肉蟹，全部食材都勁新鮮。海鮮盤上桌時，店員會附
近排天陰陰，再加上天寒地凍，最佳嘅節目當然就是同好友齊齊去打邊爐。友人提議去吃粥底火鍋，原來這個「鬼靈精」不知從望那裡得知，旺角最近新開咗間取名「一鍋瘋」嘅一人前海鮮火鍋專門店，主打一人一爐粥底鍋，湯底非常 Sharp 醒，五顏六色，有粟米、甘筍、椰子、紫薯同菠菜，感覺特別，所以想拉埋我去試下。
新店位於砵蘭街，是家地舖。門外嘅店員很熱情，不停地向路過嘅途人介紹店舖裡的火鍋套餐。
入座後，先細心研究一下這個粥底套餐，原來項目都幾豐富，每位只須 $198，另設加一服務費，就已經包 1 款粥底、6 款即劏海鮮、迷你拼盤(丸類和餃類)、黑豚肉、3 款蔬菜，另加 3 種自選配料。不過套餐就唔包飲料，飲品需額外收費，有汽水、烏龍茶、自家製菊花茶同這渣清熱潤喉嘅竹蔗茅根 ($48) 可供選擇。
點完粥底後，店員會隨即送上蔥蒜等醬料同開胃嘅胡麻沙律做前菜。
粥底揀咗粟米同平日比較少見嘅菠菜，粥水質感好滑溜，不會太濃稠，而且由於加入了新鮮蔬菜汁煮成，所以聞落味道都幾香甜清新，用料健康又落足心機。
海鮮拼盤有 6 款時令海鮮，當中包括有蜆、花甲、貴妃蚌、鮑魚、海蝦同肉蟹，全部食材都勁新鮮。海鮮盤上桌時，店員會附上計時器和煮食次序及時間單張，以供參考。
花甲味道十分鮮甜，而貴妃蚌亦肥美滑溜；不過要數到最愛，當然還是鮑魚同海蝦。鮑魚有掌心般大，相當肥美，肉質爽脆，食落煙韌彈牙；而海蝦亦肉實味鮮；啖啖肉。另外肉蟹亦值得推介，即點即劏，唔單止保留蟹肉嘅原始鮮味，而且仲食到甘香嘅蟹膏。
至於特選配料就包括有美國黑豚肉、什錦蔬菜、迷你丸子同餃子等，另外亦自選了肥牛、龍蝦丸、墨魚丸、包心芝士丸、水魷、牛柏葉，所以上檯時勁大盤，分量十足。豚肉又香又唔過肥，墨魚丸非常爽滑，不會蓋過本身的墨魚香。肥牛雪花分佈均勻，入口柔軟，牛味濃郁。水魷幾多又大塊，入口夠彈夠爽。
吃罷所有火鍋料後，店員會幫手放入芋頭粒、南瓜粒、飯糊落去湯底煲成粥，飯粒將所有海鮮精華吸收，入口又香又綿，特別鮮甜，食完真係要捧住個肚走。
Post
