Video
Read full review
2023-10-17
83 views
又到咗食大閘蟹嘅好季節🤤🤤 今次嚟到尼間超抵食嘅餐廳，每人送三隻大閘蟹，夠晒分量，起碼四兩半呀，仲要無限時任飲任食高汁牛頸脊同海鮮雞煲，唔係唔衝呀嘛❗️季節限定牛頸脊套餐 $328/位🦀 大閘蟹三隻鮮味十足已經好基本，重點係佢嘅大閘蟹隻隻都爆晒膏，淨係見到都流晒口水，食落滿口都係蟹膏同蟹汁，又啖啖肉，仲香甜爽口，正< 4.5/5 >🐓 海鮮雞煲食完蟹，雞煲就滾起，時間啱啱好，海鮮雞煲唔係浪得虛名，有齊晒蝦、蜆、鮑魚，蝦同鮑魚都勁大隻，蝦好鮮甜，鮑魚厚肉又夠彈牙，至於雞肉都好大舊，肉質都唔會太鞋，仲有啲豆卜金菇等配菜，味道帶辣極惹味< 5/5 >🥩 任食火鍋 - 肉類清得七七八八係時候加湯打邊爐，加咗豬骨湯撈埋啲汁已經勁香，牛頸脊肉味濃厚，肉質結實口感好好，另外仲有牛小排、牛肩胛、豚肉，牛小排油花比較多，入口即溶，至於牛肩胛就比較有咬口，而豚肉肉味都好香濃，厚度切得剛好< 5/5 >🍲 任食火鍋 - 配料雖然我係食肉獸，但都要食吓其他嘢嘅，何況佢啲配料都咁吸引，有自家製嘅魚皮餃、韮菜餃、木耳豬肉餃等等，皮薄餡靚，魚皮餃個皮好香魚味，仲有墨魚滑
季節限定牛頸脊套餐 $328/位
🦀 大閘蟹三隻鮮味十足已經好基本，重點係佢嘅大閘蟹隻隻都爆晒膏，淨係見到都流晒口水，食落滿口都係蟹膏同蟹汁，又啖啖肉，仲香甜爽口，正
< 4.5/5 >
🐓 海鮮雞煲
食完蟹，雞煲就滾起，時間啱啱好，海鮮雞煲唔係浪得虛名，有齊晒蝦、蜆、鮑魚，蝦同鮑魚都勁大隻，蝦好鮮甜，鮑魚厚肉又夠彈牙，至於雞肉都好大舊，肉質都唔會太鞋，仲有啲豆卜金菇等配菜，味道帶辣極惹味
< 5/5 >
🥩 任食火鍋 - 肉類
清得七七八八係時候加湯打邊爐，加咗豬骨湯撈埋啲汁已經勁香，牛頸脊肉味濃厚，肉質結實口感好好，另外仲有牛小排、牛肩胛、豚肉，牛小排油花比較多，入口即溶，至於牛肩胛就比較有咬口，而豚肉肉味都好香濃，厚度切得剛好
< 5/5 >
🍲 任食火鍋 - 配料
雖然我係食肉獸，但都要食吓其他嘢嘅，何況佢啲配料都咁吸引，有自家製嘅魚皮餃、韮菜餃、木耳豬肉餃等等，皮薄餡靚，魚皮餃個皮好香魚味，仲有墨魚滑、魚片、魷魚、牛舌、豬紅、蒟蒻尼啲特別嘢，當然唔少得各式各樣嘅丸類、菜類、麵類，每樣都好多款式，一款食一舊都飽晒，質素都中上㗎
< 4/5 >
-
🍧 甜品
最後當然唔少得食雪糕啦，分別有芒果、曲奇、士多啤梨雪糕，有好多果蓉喺入面㗎，除咗雪糕，竟然仲有泡芙，好味好味
< 4/5 >
-
🧃 飲品
打邊爐都一定要飲嘢嘅，尼度可以任飲啤酒添，有ICE、麥啤、黑啤，多多都可以飲，仲有汽水、忌廉溝鮮奶、檸檬茶、烏龍茶、涼粉冰、果汁等，任君選擇
< 4/5 >
—。—
+ plus 10% service charge
—。—
順便提提，四人同行當中有當月壽星，仲有一份免費皇牌或澳洲和牛套餐，我本人就係壽星🤣 仲要一人一個印花，儲夠廿個即送日本A4和牛套餐，有冇人想陪我儲下印花 🙈🙈
—。—
好味👅：4/5
服務💁🏻♀️：4.5/5
抵食💰：5/5
環境🏖：3/5
Post
