回憶客棧

Open Now

Now Closed

聽聞長沙灣開咗間食花甲粉同串燒嘅小店，而其花甲粉相當好評。今日就一於去品嘗品嘗佢嘅美食。天公不作美，小店指今日攞唔到靚花蟹，所以少咗個選擇，而且串燒要下午6點後先供應，所以揀咗招牌花甲粉同埋花甲鮮蝦粉。蔥、芫茜同辣度可以自行選擇。今次就點咗清湯招牌花甲粉同小辣花甲鮮蝦粉。雖然亦可加配蔬菜、丸類、肉腸，但為咗試佢哋嘅原美道，所以就無加配其他食材。大約5-10分鐘，兩煲花甲粉就已經烹調好。一打開個錫紙，花甲嘅香味即時撲鼻而出。兩煲花甲粉內嘅花甲都有好多好大隻，花甲鮮蝦粉既鮮蝦亦好大隻。湯底非常之鮮味，淡淡海鮮嘅鮮甜味道，清湯固然之好味，而小辣則令湯更加惹味。花甲同大蝦都好新鮮。粉絲份量都幾足，食到尾，飲埋啲湯都幾飽下，依個價錢真係夠哂抵食。喺食緊嘅時候，亦有唔少顧客嚟買外賣走。除咗美味，依個價錢可以食到咁鮮甜嘅海鮮，確實唔錯。下次要再嚟試下今日食唔到嘅花甲花蟹煲先得。