Video
Read full review
2017-02-07
8092 views
過海我都知道其實有好多好嘢食，但係我真係唔太鍾意過海，但係為咗康城新開嘅日本生活百貨，點唔想都要去一次，所以朋友為咗多謝我陪佢，就帶我去食好西~今次佢介紹我食蒸海鮮，當然，最近我都食唔少，呢間就款式比較多，價錢又唔係太貴，佢其實係一間酒樓嚟，價錢平，料亦新鮮我地今次揀食中間價錢，$398，佢好得意，每位可以再送一份肉食同蔬菜，我地就揀咗要菜芯同四寶丸點完菜，店員就開始幫我地預熱個爐呢間有好多調料俾你自己講醬料我今次簡單啲，只要豉油、辣椒、沙茶醬排骨南瓜粥 - 我覺我味道唔係好夠，不過夠棉嘅，因為都用咗成2個幾鐘食，一定夠棉新猛花竹蝦 - 好鮮甜，又爽口彈牙，一隻真係唔係好夠喉蘇格蘭特大蟶子 - 有我最怕嘅蒜頭，不過有佢…蒸出嚟又真係好食好多，同埋個蟶子真係好大隻，好鮮甜日本大元貝 - 的確係好大隻，同埋真係好甜，但係可能蒸耐咗，有少少韌美國可蠔 - 好大隻，但係蠔味唔太重，但係蒸完都唔錯，原來唔止打邊爐好食朝鮮北寄貝、貴妃蚌 - 北寄貝一向都係食壽司嗰時會食，但係都係好韌，咬到牙都甩，當然蒸呢唔會淋得去邊，但係都比平時壽司店嗰啲好，同埋好少會全隻食~~貴紀蚌多數都係打邊爐必叫，同埋去飲
今次佢介紹我食蒸海鮮，當然，最近我都食唔少，呢間就款式比較多，價錢又唔係太貴，佢其實係一間酒樓嚟，價錢平，料亦新鮮
我地今次揀食中間價錢，$398，佢好得意，每位可以再送一份肉食同蔬菜，我地就揀咗要菜芯同四寶丸
點完菜，店員就開始幫我地預熱個爐
呢間有好多調料俾你自己講醬料
我今次簡單啲，只要豉油、辣椒、沙茶醬
排骨南瓜粥 - 我覺我味道唔係好夠，不過夠棉嘅，因為都用咗成2個幾鐘食，一定夠棉
新猛花竹蝦 - 好鮮甜，又爽口彈牙，一隻真係唔係好夠喉
蘇格蘭特大蟶子 - 有我最怕嘅蒜頭，不過有佢…蒸出嚟又真係好食好多，同埋個蟶子真係好大隻，好鮮甜
日本大元貝 - 的確係好大隻，同埋真係好甜，但係可能蒸耐咗，有少少韌
美國可蠔 - 好大隻，但係蠔味唔太重，但係蒸完都唔錯，原來唔止打邊爐好食
朝鮮北寄貝、貴妃蚌 - 北寄貝一向都係食壽司嗰時會食，但係都係好韌，咬到牙都甩，當然蒸呢唔會淋得去邊，但係都比平時壽司店嗰啲好，同埋好少會全隻食~~貴紀蚌多數都係打邊爐必叫，同埋去飲最近好多都有加入做材料
本灣奄仔蟹 - 我係一個好鍾意食蟹嘅人，而奄仔蟹係最好蟹味，而且唔係成日都有，當然亦有人話奄仔污糟，但係……好食嘅嘢我唔會理，呢個蟹蒸出嚟勁鮮甜，又好肉，真係超正
菜芯、四寶丸 - 最後就係蒸菜芯、四寶丸，太新奇，未試過蒸丸，新嘗試，不過蒸可以KEEP到鮮味，都唔錯
Post
