沐白小農 (Closed)

店鋪位置於K11附近，非常方便喺附近厚福街食完晚飯就過嚟飲返杯！之前都有飲過牛油果鮮奶，木瓜鮮奶，今次就飲草莓鮮奶。本人非常怕甜，所以今次就點左微糖（通常無糖或微糖），但可能因為鮮奶份量好足嘅關係，有少少蓋過左草莓嘅甜味。相反，之前飲木瓜鮮奶就一飲就覺得木瓜好足料。牛油果鮮奶亦都不錯，牛油果令到飲落去個口感好厚好飽肚。所以我會選擇木瓜>牛油果>草莓。店舖設計簡潔，坐嘅位置唔多，適合2個人嚟坐低嚟傾下計，因為夜晚人流唔多。