李家 (華發大廈)

Open Now

Now Closed

Happy Friday! 成個禮拜都好想食韓國炸雞，所以約埋閨蜜星期五你個成個禮拜都好想食韓國炸雞,所以約埋歸物星期五一於食炸雞晚餐！因為我比佢早放工所以去攞位先，我大概7:45到，店主好有善咁俾我坐係位度等佢。首先就係必叫嘅炸雞，我哋揀咗兩隻味 - 蒜蓉蜜糖同甜辣醬。汁醬超多，多到每一啖都可以舔，成碟都係醬，所以唔會乾，雞自己都好厚肉，多肉到我地兩個女仔都食唔晒。食炸雞有點少得啤酒，我哋每人叫咗一杯Asahi啤酒，不過都好飽飲唔晒。除咗炸雞之外，仲叫咗個熱嘅泡菜湯。泡菜湯都好足料，係傳統嘅韓國味道，有老泡菜、豬肉、豆腐、金菇、蔥等等，好味道！呢間餐廳仲有一個特點，就係凌晨都開，同場都有好多人玩韓國飲酒遊戲，同朋友輕鬆一下。