鵞莊燒鵝工房 (Closed)

一直係新蒲崗番工都未發現呢間舖，可能位置比較隱蔽， 直至早幾天， 有人係討論區提起佢，即管去試一下 , 果然有驚喜， 第一個印象唔錯。今次叫左燒鴨瀨(鴨胸位置) ， 煮得啱啱好， 好juicy, 啖啖肉， 好正， 調味都啱啱好, 仲充滿鴨油香, 最抵贊加分係鴨同粉分開放， 可以慢慢嘆個鴨同時， 鴨又保留肉汁， 不會融哂落個湯度。同埋， 鴨下面仲鋪滿蔬菜， 吸哂d鴨汁， 菜都即時變得好好味， 配菜都食到一點也不剩。今餐真係回味無窮， 難得食到咁高質既燒味。