Video
Read full review
2019-11-25
162 views
食放題有時都食到我好怕,特別係旺區,旺角個d.坐得好迫, 燈光又暗, 食都食得唔係咁舒服.點知住旺角的朋友介紹呢間新開張放題. 地點係彌敦道近油麻地同旺角交界. 環境好好, 店舖於一樓,從玻璃窗看出去可以看到街外風光. 而店舖入面,枱同枱之間地方好闊落,地方睇落又整潔乾淨企理,完全唔係一般放題的格局. 店員都好nice，全程態度好好，見到我地帶住小朋友,都安排左沙發卡位俾我地.呢度落單係用電話掃qr code order食物的，好方便又環保。order食物係用一件為單位，方便大家就數量，減少浪費。而升級加$88仲可以食到多款美食及飲啤酒清酒，另外仲送左一人一份日本璣燒鮑魚。刺身都幾新鮮，推介：油甘魚，三文魚，吞拿魚，北海道帆立貝。壽司好多款，非常推介：醬燒三文魚腩壽司，岩鹽和牛壽司。 真係必點，入口即溶好好食！海膽赤蝦壽司，墨汁蜘蛛卷，岩鹽檸檬皮三文魚壽司都可以試下。海膽刺身甜蝦甜筒杯，好特別，不過甜筒杯我地留返最尾同雪糕一齊食。熱食，基本上所有點的熱食都係熱辣辣上枱，正。推介：流心玉子蛋卷千層塔，關東風壽喜燒，泡菜豚肉鍋，日本芝士年糕，唐揚雞軟骨粒。囡囡我叫左海膽芝士醬叉燒沾面，芝士
地點係彌敦道近油麻地同旺角交界. 環境好好, 店舖於一樓,從玻璃窗看出去可以看到街外風光. 而店舖入面,枱同枱之間地方好闊落,地方睇落又整潔乾淨企理,完全唔係一般放題的格局.
店員都好nice，全程態度好好，見到我地帶住小朋友,都安排左沙發卡位俾我地.
呢度落單係用電話掃qr code order食物的，好方便又環保。order食物係用一件為單位，方便大家就數量，減少浪費。
而升級加$88仲可以食到多款美食及飲啤酒清酒，另外仲送左一人一份日本璣燒鮑魚。
刺身都幾新鮮，推介：油甘魚，三文魚，吞拿魚，北海道帆立貝。
壽司好多款，非常推介：醬燒三文魚腩壽司，岩鹽和牛壽司。 真係必點，入口即溶好好食！海膽赤蝦壽司，墨汁蜘蛛卷，岩鹽檸檬皮三文魚壽司都可以試下。海膽刺身甜蝦甜筒杯，好特別，不過甜筒杯我地留返最尾同雪糕一齊食。
熱食，基本上所有點的熱食都係熱辣辣上枱，正。推介：流心玉子蛋卷千層塔，關東風壽喜燒，泡菜豚肉鍋，日本芝士年糕，唐揚雞軟骨粒。
囡囡我叫左海膽芝士醬叉燒沾面，芝士醬係另上，唔太濃味，幾適合小朋友食。囡囡食晒成碗面。
升級左仲可以食：日式胡麻檸檬燒三文魚，檸檬牛油鐵板蝦，焗海膽黃金蠔，和風燴牛尾，焗黃金大虎蝦，白汁芝士焗扇貝，法式香草羊鞍。呢Ｄ基本上都要點黎試下先得。
飲品櫃都有好多款飲品，自己揀同拎，而雪糕櫃都有好多味道雪糕。好多都好特別，例如：港式奶茶，海鹽焦糖，玄米茶，紅豆，菠蘿椰子，芒果，朱古力。出面還有自助區可取麵豉湯，甜品。
總括黎講，呢個價錢可以坐得咁舒適，食物都多款式同新鮮，特別適合帶小朋友食。如果細少少的小朋友，仲有IKEA HIGH CHAIR。呢點要提提，好多放題都唔會提供BB椅的。
Post
