亞來麵檔

Open Now

Now Closed

北區行完山，下午四點幾出到上水石湖墟，好多店舖都中場休息。行行下去到新成街，見有間車仔麵就入去醫肚。店內裝修係一般茶餐廳，牆上有好多食物相。唔知點解，睇完就覺得樣樣都想食😆。首先叫咗鮮油多加奶，厚厚一片冰涼鮮牛油，充滿奶香同埋淡淡鹽味，加埋多到漏練奶，超級搭配，又超級邪惡，食每一啖多士，都要喺健康同美味之間苦苦掙扎一番😅。另外叫咗蒜香辣皮蛋，雖然皮蛋無溏心，但配搭入味蒜蓉，非常惹味。再加埋芫茜一齊食，帶出清新感受，同時展現出層次味道👍。炸蝦餅一碟四件，外脆內嫩，鮮味彈牙又熱氣😄，最啱飲返個椰青解一解。店舖仍用懷舊車仔麵點餸紙👍。一般車仔麵配餸都有，最少要點兩餸。我碗咖哩汁粗麵配響鈴同埋魚片頭，響鈴因為上枱時已放入碗湯內浸住一半，結果影完相先食就太軟綿了😅。魚片頭有三件，朋友叫了沙嗲汁粗麵配水餃和腩片。