Video
Read full review
2022-06-06
2228 views
做完運動之後嘅最佳後續，就喺嘆個下午茶先散水，雖然小弟對長沙灣呢區都唔太陌生，不過，今次嘆下午茶嘅地點「香港人冰室」就喺由老友引路，位處後街嘅順寧道，比較閒靜。叫得冰室，就即喺茶記，內裡喺典型茶餐廳格局，左右兩邊喺卡位，中間就喺啲4人方枱，感覺幾實都覺得有少少逼。而一邊牆身貼上香港嘅璀璨夜景大圖，加上店家嘅大名，整體都幾乾淨企理，我哋就接近下午茶時段尾嚟，所以，客人都差唔多食完走晒。簡單嘅調味料、紙巾放晌枱上，各式餐具就放晌枱側抽櫃，又喺經典嘅便民設定。嚟食下午茶，目標就喺下午茶餐啦，平平哋嘅有啲三文治同包類，貴啲、又飽肚啲嘅有薯條沙律餐、炒粉麵餐，慣例包熱飲，凍飲加$3。此外，晌卡位旁嘅牆身，貼咗張斑蘭鮮油多餐，小弟對呢個有興趣喎，因為平常都鍾意食菠蘿油，但呢度就無供應，正好搵佢做替代。斑蘭鮮油多 $29送到嚟，晌外圍側邊睇唔覺得乜嘢，但拎上手睇睇中間，厚厚一大片嘅安佳牛油，咁先似樣。雖然，多士就烘得唔夠深度，外層未喺好脆口，亦只喺微暖，但一口咬落冰涼嘅牛油片，真喺幾爽，而裡面搽咗唔少斑蘭醬，微微甜，陣陣斑蘭香，跟牛油好夾。熱奶茶嚟到茶記，熱奶茶喺必然之選，最鍾意喺用上大瓦杯，既喺情
叫得冰室，就即喺茶記，內裡喺典型茶餐廳格局，左右兩邊喺卡位，中間就喺啲4人方枱，感覺幾實都覺得有少少逼。而一邊牆身貼上香港嘅璀璨夜景大圖，加上店家嘅大名，整體都幾乾淨企理，我哋就接近下午茶時段尾嚟，所以，客人都差唔多食完走晒。
簡單嘅調味料、紙巾放晌枱上，各式餐具就放晌枱側抽櫃，又喺經典嘅便民設定。
嚟食下午茶，目標就喺下午茶餐啦，平平哋嘅有啲三文治同包類，貴啲、又飽肚啲嘅有薯條沙律餐、炒粉麵餐，慣例包熱飲，凍飲加$3。
此外，晌卡位旁嘅牆身，貼咗張斑蘭鮮油多餐，小弟對呢個有興趣喎，因為平常都鍾意食菠蘿油，但呢度就無供應，正好搵佢做替代。
斑蘭鮮油多 $29送到嚟，晌外圍側邊睇唔覺得乜嘢，但拎上手睇睇中間，厚厚一大片嘅安佳牛油，咁先似樣。雖然，多士就烘得唔夠深度，外層未喺好脆口，亦只喺微暖，但一口咬落冰涼嘅牛油片，真喺幾爽，而裡面搽咗唔少斑蘭醬，微微甜，陣陣斑蘭香，跟牛油好夾。
熱奶茶嚟到茶記，熱奶茶喺必然之選，最鍾意喺用上大瓦杯，既喺情懷，又較保溫。奶茶嘅色澤好對辦，深褐色得嚟有光澤，入口茶底醇厚之餘，茶、奶嘅比例好，味道平衡，口感幼滑，喺一杯沖得有水準嘅奶茶。
斑蘭西多士配沙律 $36友人話佢西多士食唔少，大多數中間都喺花生醬底，但見呢度斑蘭醬，咁就要試試，為減低少少罪惡感，所以，就配健康啲嘅港式生果沙律。佢話斑蘭西多味道唔錯，入口鹹鹹甜甜，而啲沙律亦幾好食，食落有份兒時情懷。
公司三文治拼薯條 $45另一邊兩位友人就夾埋食一份公司三文治，連埋啲薯條，真喺好大份，絕對夠兩個人食，而且，啲公司三文治用料十足，計有餐肉、火腿、生菜、蕃茄、雞蛋，啲包又烘得夠脆，再者，啲薯條香脆不油，做得認真。
做完運動，再食個輕怡下午茶就特別爽，難得此時此刻客人又唔多，多謝老友嘅好介紹！
Post
