塩玉居酒屋 (Closed)

近排知道中環大館翻新後成為左文青新蒲點，我呢嘅梗係唔執輸拿拿聲走去打卡啦。所以收工揾埋朋友係銅鑼灣呢度食餐飽後，再搭叮叮過去影下相。原條曹以魚刺身，新鮮嘅深海魚直運到港，唔需做花巧野直接以刺身形式就足夠鮮味。用冰鎮住入口爽脆有嚼勁，魚嘅甘鮮味慢慢滲出。美味就係咁簡單直接。魚骨麵豉湯。物盡其用地將刺身食剩嘅魚骨熬湯，善用魚嘅每一部份。因為用上白麵豉黎煮湯，所以飲落清甜麵豉味唔會搶左鮮嘅鮮味。不錯。左口魚邊壽司，油脂唔係講笑地多，只用炙熱方法輕輕燙熟表面令魚油升温。單單放入口就已經開始融化，啖啖油香真係無得彈。配酸口醋飯作出中和，覺得比松葉蟹腳壽更不遑多讓。松葉蟹腳壽司。以生蟹腳做成壽司除左食到蟹肉嘅鮮甜，蟹腳嘅棉滑質感都十分不錯。再加上濃郁蟹膏，味道混和上黎都算清淡但絕無腥味，因為甲殼類海產如果處理得唔好，食時啲味道一定大打折扣。炸軟殼蟹沙律。炸蟹件嘅粉幾薄完全唔油膩。入口香滑酥脆之餘，蟹肉亦十分滑嫩，仲要有埋蟹黃畫龍點睛，真係齒頰留香。燒豆腐。用上鰹魚碎及和式照燒汁製成，入口先會食到鰹魚碎嘅咸香味道再嚐到汁醬嘅甜口，令到平淡嘅豆腐增添不少色彩。加上豆腐四面焦脆食落有啲似一口和牛粒。煙肉