Video
Read full review
2022-09-20
244 views
今日同朋友食海鮮，簡單d叫個Dinner Set for two，個Set有三個items，主打緊係海鮮啦，仲有前菜小食同意粉/意大利飯。🦐海鮮可以揀3款料，我地揀左海蝦、海蜆同埋翡翠螺，最後仲要揀埋醬汁，款款望落都好似好惹味、好吸引，三心兩意下都係揀左檸檬胡椒，貪佢清新得嚟又會有少少辣香｡食物上枱，係一大個藍色網袋，感覺就好似啱啱捕獲魚餌一樣，侍應好好心機帶好手套，喺我地面前將個袋搖勻，然後慢慢打開，打開果一刻已經聞到好香嘅胡椒味，到侍應將個袋完全打開嘅一刻，我地清楚見到揀左嘅蝦、蜆同埋翡翠螺，仲有薯仔、粟米、切片嘅腸仔，望落已經覺得非常豐富。🧂呢個汁真係好正，胡椒味濃但唔會好辣，令海鮮袋裡邊嘅所有食物變得更惹味。而檸檬嘅清香則提升了海鮮嘅鮮味，一邊食係會一邊想吮手指。而海鮮又真係好新鮮，蝦肉同螺都好爽、好彈，QQ有口感;打開晒嘅蜆就完全可以食到醬汁嘅香濃味，蜆肉唔算大隻但肉厚。加埋綿密嘅薯仔，香甜嘅粟米，仲有粒粒腸，其實淨係食呢個海鮮袋，我都已經飽左七成，好滿足。🍗小食揀左自家製辣粉雞翼，雞翼外層嘅脆漿做得好好，完全唔油膩、薄身、香脆，再加埋辣粉嘅味道，天衣無縫。伴碟仲有勁新鮮嘅西
🦐海鮮可以揀3款料，我地揀左海蝦、海蜆同埋翡翠螺，最後仲要揀埋醬汁，款款望落都好似好惹味、好吸引，三心兩意下都係揀左檸檬胡椒，貪佢清新得嚟又會有少少辣香｡
食物上枱，係一大個藍色網袋，感覺就好似啱啱捕獲魚餌一樣，侍應好好心機帶好手套，喺我地面前將個袋搖勻，然後慢慢打開，打開果一刻已經聞到好香嘅胡椒味，到侍應將個袋完全打開嘅一刻，我地清楚見到揀左嘅蝦、蜆同埋翡翠螺，仲有薯仔、粟米、切片嘅腸仔，望落已經覺得非常豐富。
Seafood Combo
12 views
0 likes
0 comments
🧂呢個汁真係好正，胡椒味濃但唔會好辣，令海鮮袋裡邊嘅所有食物變得更惹味。而檸檬嘅清香則提升了海鮮嘅鮮味，一邊食係會一邊想吮手指。而海鮮又真係好新鮮，蝦肉同螺都好爽、好彈，QQ有口感;打開晒嘅蜆就完全可以食到醬汁嘅香濃味，蜆肉唔算大隻但肉厚。加埋綿密嘅薯仔，香甜嘅粟米，仲有粒粒腸，其實淨係食呢個海鮮袋，我都已經飽左七成，好滿足。
🍗小食揀左自家製辣粉雞翼，雞翼外層嘅脆漿做得好好，完全唔油膩、薄身、香脆，再加埋辣粉嘅味道，天衣無縫。伴碟仲有勁新鮮嘅西芹同甘筍，甜到不得了，仲要每咬一啖都發出清脆嘅聲音，再點埋旁邊勁香藍芝士味嘅醬一齊食，明明係飽左7成，但都係一口一口食唔停。
🍲最後仲有個蟹肉蟹膏南瓜意大利燴飯，南瓜、蟹肉、蟹膏全部都已經完全融化晒喺燴飯嘅濃汁之中，所以每一啖入口嘅飯味都香濃無比，先係會食到蟹嘅鮮香味，慢慢細嚐，南瓜嘅香甜會喺口腔內慢慢滲出…… 我宣布投降了，呢餐海鮮宴令我詞窮了，除左新鮮、好味，我想不到更貼切的形容。
蟹肉蟹膏南瓜意大利燴飯
10 views
0 likes
0 comments
🌊最後講環境，其實步入餐廳就已經旅遊精上腦。彷彿置身美國漁人碼頭，又或悉尼嘅fish market。樓梯裝飾、牆壁，餐桌等都極易讓人有置身於海岸邊嘅感覺，加上禮貌周周嘅侍應，呢一頓晚餐簡直係享受。
Post
