滿粥順德粥底海鮮火鍋

Open Now

Now Closed

返到嚟家鄉大角咀約朋友食飯，天氣凍特別想打邊爐，咁啱經過呢度有粥底火鍋，$198就有邊爐加海鮮，抵！。🤣跟餐可以揀六款火鍋配料，打邊爐一定要有肉食，所以我哋揀晒三款肉類，另外再加咗花膠，油麥菜，同埋雲吞；加埋七種海鮮，兩個人食已經非常豐富🥰七款海鮮配料都幾滿意，新鮮而且有鮮味。跟住枱面嘅指示，每樣嘢跟時間淥，果然出到嚟，又唔會太老，啱啱好食到鮮味！特別要讚沙白同蜆都好鮮味，乾淨冇沙，淥一陣就食得，正👍另外嘅配料都好唔錯，打邊爐邊少得肉🤤牛肉、豬肉同埋雞件都唔錯，雖然未至於上等，但以$198呢個價錢，已經冇投訴