Video
Read full review
2022-06-23
727 views
揾緊餐廳食晚飯，見到醬缸呢間完全唔起眼嘅舖頭外面，竟然6點鐘已見人龍，由舖頭入面一直沿住樓梯排到出街（仲要喺街都要排成L字形），即刻鎖定呢間餐廳！🤩排咗成個幾鐘，又熱又攰，終於入座！佩服自己為咗食居然可以去到咁盡😂！坐低即刻揭餐牌，極速order咗醬油蟹、海鮮餅同生米酒呢三樣我今次最想試嘅嘢🥳。之後再order醬蝦同牛肋骨湯，其實仲想食土豆燉排骨，不過两個人，應該食唔晒咁多嘢，所以唯有留待下一次。飲一啖冰涼嘅生米酒，好消暑呀！🍃❄️雖然去韓國街有時都忍唔住買啲樽裝米酒飲，但同生米酒比，佢哋算得係咩呀～真係好鐘意呢種米酒！餐廳要轉檯率（同埋出面的確仲有好多人排隊），所以上菜超極速。話咁快，醬油蟹已經送到！仲配埋我好鐘意嘅海苔拌飯！即刻急不及待將蟹肉連蟹膏吸入口，真係好鮮甜（可惜文筆所限，形容唔出果種鮮味🫣），而且咸淡相宜，好味！😋感覺排咗成個鐘都值得！之後試醬蝦，不過同醬蟹比，就稍顯普通咗啲，無咩驚喜。反而，我覺得泰國嘅生蝦比起佢，有指天椒加蒜頭嘅辣味，又有青檸獨有嘅香味，酸酸瞇瞇再加埋魚露，味道更豐富，更能刺激味蕾。食一塊海鮮餅，呢個海鮮餅比出面食開嘅足料，同埋真係食到表皮係脆，粉漿厚度
排咗成個幾鐘，又熱又攰，終於入座！佩服自己為咗食居然可以去到咁盡😂！
坐低即刻揭餐牌，極速order咗醬油蟹、海鮮餅同生米酒呢三樣我今次最想試嘅嘢🥳。之後再order醬蝦同牛肋骨湯，其實仲想食土豆燉排骨，不過两個人，應該食唔晒咁多嘢，所以唯有留待下一次。
飲一啖冰涼嘅生米酒，好消暑呀！🍃❄️雖然去韓國街有時都忍唔住買啲樽裝米酒飲，但同生米酒比，佢哋算得係咩呀～真係好鐘意呢種米酒！
餐廳要轉檯率（同埋出面的確仲有好多人排隊），所以上菜超極速。話咁快，醬油蟹已經送到！仲配埋我好鐘意嘅海苔拌飯！即刻急不及待將蟹肉連蟹膏吸入口，真係好鮮甜（可惜文筆所限，形容唔出果種鮮味🫣），而且咸淡相宜，好味！😋感覺排咗成個鐘都值得！
之後試醬蝦，不過同醬蟹比，就稍顯普通咗啲，無咩驚喜。反而，我覺得泰國嘅生蝦比起佢，有指天椒加蒜頭嘅辣味，又有青檸獨有嘅香味，酸酸瞇瞇再加埋魚露，味道更豐富，更能刺激味蕾。
食一塊海鮮餅，呢個海鮮餅比出面食開嘅足料，同埋真係食到表皮係脆，粉漿厚度啱啱好，唔會成pat粉喺口，唔錯唔錯。難怪大部份檯，除咗醬油蟹，佢出鏡率最高。
最尾係牛肋骨湯，有白蘿蔔，有紅棗，湯幾清，不過牛味好濃。個人對呢個湯無特別喜好，當係暖吓胃啦。
總括而言，醬缸喺呢段無得去韓國但又掛住當地美食嘅日子，的確提供咗一個心靈嘅慰藉俾大家。醬油蟹真心好味，海鮮餅都推薦。排個幾鐘雖然好辛苦，不過好彩最尾等嚟嘅係美食。
下次如果再試，我估我會weekday、第一浸（晏晝5點開門）或臨近夜晚8點先去排隊，等待過程實在太枯燥啦！😂
Post
