極之拉麵

Open Now

Now Closed

同朋友去咗長沙灣嘅極之拉麵，想試佢哋招牌嘅蠔湯拉麵。呢間鋪頭主打用日本廣島蠔熬湯，真係好吸引。終極之廣島牡蠣濃湯拉麵 $138湯底一上嚟已經聞到濃濃嘅蠔香，仲未食已經流口水。湯頭好濃稠，真係好有層次感，蠔味鮮甜豐厚，飲落去好似真係食緊新鮮嘅蠔咁，簡直係蠔味爆炸！有數隻大嘅廣島蠔，蠔味濃郁又好肥美，仲有好多細嘅蠔仔，鍾意蠔嘅必食。拉麵軟硬適中，吸晒湯底之後每一口都充滿蠔嘅鮮香。拉麵入面嘅糖心蛋都好好食，仲有一小碟嘅酸瓜可以清新口腔。極之真牡蠣醬油拉麵 $99再加$1加炸魚皮。相比起濃湯，呢個醬油湯底清爽啲，但依然保持住濃郁嘅蠔味。湯底鹹中帶鮮，唔會過於厚重，炸魚皮脆卜卜，配埋麵食口感一流。北海道芝士年糕係一個邪惡嘅選擇，年糕煙韌，芝士溶化後嘅濃香味直撲味蕾。炸雞皮餃子雞皮香脆，餡料飽滿，食落去唔會覺得太油膩。最後配返罐凍日本蘋果汁，酸甜清爽。