魚鱻魚湯專門店 (Closed)

最近成日都食茶餐廳，悶都要變下先得。今晚係新蒲崗搵嘢食，見到依間食店主打係魚喎，好啱我心水。入到店內，感覺都幾好，燈光夠充足，望見地方都乾淨。座位都算多，圓枱感覺又無咁迫。店員好友善，仲介紹我飲個靚湯"川弓白芷魚頭湯"，之前聽人講好有益，所以今次就試下，味道果然好，魚湯鮮甜唔腥，湯料除咗藥材，仲有半個魚頭及兩件瘦肉，一點也不肥膩，依個價錢咁大盅又幾抵喎，自己都唔會整，嘻...另外，叫咗個"魚餅泡飯"，個魚餅煎香都幾好味，少少鹹，唔腥即係新鮮啦，哈... 依個我都好鐘意。