阿堂魚湯 (Closed)

今日約了兩個朋友喺太子附近食飯， 朋友推介“阿堂魚湯"， 所以一齊去試下。一坐低見到隔離檯個吉列豬扒定食好吸引。二話不說就點呢個, 聽朋友講呢度魚湯好正，所以加$3就轉湯烏冬，定食來到原來係有沙律菜的，比較健康，豬扒表面炸粉好脆，入面嘅豬扒就好軟淋淋， 皮脆肉軟。 烏冬應該係讚岐烏冬，鮮魚湯真係好真材實料，濃郁嘅魚味。朋友叫咗金菇牛肉卷定食，都有沙律菜及魚湯送，我地各交換一件試食，牛肉好淋唔韌，個燒汁甜甜地好香濃。另一位朋友叫咗燒雞扒定食，我也試了一口，雞扒皮燒得好香口，不過肉質就有點硬，可能燒過了時間。醬汁同金菇牛肉卷的好似係一樣，所以都唔差。這裏餐飲係罐裝汽水，我飲湯後實在已太飽，所以都係拎走慢慢飲。個魚湯無味精，正係回味無窮，下次一定再來。