一條腸粉 (Closed)

自從喺內地做嘢食過皺皮腸粉，成日都會念念不忘嗰種味道，依家香港陸續都有呢隻腸粉食，而旺角都新開左一間，而且營業時間好長，想食都好方便！餐廳個名好搞笑，叫一條粉腸，唔係，一條腸粉先岩，除咗腸粉之外， 仲有汕尾小食大概七點半去到餐廳，都差唔多坐滿，好彩都唔使等位潮式腸粉$20起，包左生菜，芽菜及蔥，可以因應自己嘅口味而家配其他配料腸粉嘅粉漿真係鮮磨，見到店員將浸好嘅米放入磨機我哋叫咗兩款腸粉，一款係加咗生菜，蔥，雞蛋同菜甫另一款加咗生菜，蔥，冬菇，臘腸同蝦仁試咗兩款腸粉之後，個人覺得雞蛋，冬菇，同菜甫係最佳嘅配搭，腸粉都幾滑，加埋甜甜地嘅豉油，味道唔錯起初淨係睇餐牌唔知道咩叫海豐扁實，不過好彩餐廳牆身既poster 有介紹，係類似雲吞嘅一種小食，唔同之處係在於個餡料，會用鎚仔打爛啲瘦肉，同埋嗰外皮好滑，個餡料的確好香，湯底亦做得唔錯，媽咪差唔多食晒成碗手打牛肉丸味道都唔錯，牛肉味香濃，而且好彈牙另外都叫咗餐廳令一樣出名嘅菜式，就係呢個醬香豬手撈飯，豬手炆得好腍，醬汁應該係用南乳為主，好香，用嚟撈飯真係幾好食撈飯都會配紫菜蛋花湯，清清地味道幾好， 如果熱啲就更加好最後就係豬油渣撈飯，豬油渣脆